قوعام • 20 ءساۋىر، 2022

ەلوردادا گازبەن جىلىتۋ قازاندىقتارى ىسكە قوسىلادى

28 رەت كورسەتىلدى

بۇل تۋرالى قالا اكىمى التاي كولگىنوۆ مالىمدەدى، دەپ حابارلايدى Egemen.kz.

سونىمەن قاتار قالاداعى 3-ءشى جىلۋ ەلەكتر ورتالىعىنىڭ قۇرىلىسى قايتا جانداناتىن بولادى.

«پرەزيدەنت جولداۋىنا سايكەس، ءار ءوڭىر ينفراقۇرىلىمدىق دامۋ جوسپارىن جەرگىلىكتى ءماسليحاتتا بەكىتۋى ءتيىس. ەلوردامىز وركەندەي ءتۇسۋى ءۇشىن ينفراقۇرىلىمنىڭ جەتىلۋى ماڭىزدى. قالا حالقىنىڭ سانى جىل سايىن ءوسىپ كەلەدى. سوڭعى 10 جىلدىڭ ىشىندە ەلوردا حالقى 2 ەسەگە كوبەيدى. قازىر استانالىقتاردىڭ سانى 1 ملن 2 ءجۇز مىڭنان استى. ياعني، جىل سايىن حالىقتىڭ سانى 50 مىڭعا ءوسىپ وتىر. سوڭعى 3 جىلدىڭ ىشىندە 8 ملن تەكشە مەتردەن استام تۇرعىن ءۇي پايدالانۋعا بەرىلدى. وسى ورايدا، تۇرعىن ءۇيدىڭ كوپتەپ سالىنۋى جىلۋ، سۋ، جارىق تاپشىلىعىنا اكەلىپ سوعۋى مۇمكىن»، دەدى التاي كولگىنوۆ قالالىق ءماسليحاتتىڭ كەزەكتەن تىس سەسسياسىندا.

قالا اكىمىنىڭ ايتۋىنشا، ەلوردانىڭ ينفراقۇرىلىمىن دامىتۋعا قارجىنىڭ باسىم بولىگى رەسپۋبليكالىق بيۋدجەتتەن بولىنەدى.

«كەيبىر ماسەلەلەردى جەرگىلىكتى بيۋدجەت ەسەبىنەن شەشۋىمىز قاجەت. ايتار بولساق، بۇگىندە 3-ءشى جىلۋ ەلەكتر ورتالىعىنىڭ قۇرىلىسى قايتا جانداندى. ونىڭ قۇرىلىسى 10 جىلعا جۋىق ۋاقىتتان بەرى ءجۇرىپ كەلەدى جانە ونىڭ قۇجاتى ەسكىرگەن. سونىمەن قاتار ەلوردادا گازداندىرۋ پروتسەسى جالعاسىن تابۋدا. وسىعان وراي ءبىز وزگەرىستەر ەنگىزىپ، قازاندىقتاردى گازبەن جىلىتۋ جۇيەسىنە اۋىستىردىق. ول ءۇشىن ۇكىمەتتەن ءتيىستى قاراجات ءبولىندى. بيىل گازبەن جىلىتۋ قازاندىقتارىن ىسكە قوسۋدىڭ ءبىرىنشى كەزەڭىن اياقتاۋىمىز قاجەت. قالاداعى قۇرىلىستىڭ قارقىنىنا قاراساق، جەو-3-ءتىڭ قۋاتى جەتپەيدى. سوندىقتان دا ءبىز گازبەن جىلىتۋ جۇيەسىن جوبالاپ جاتىرمىز»،  دەيدى ول.

سونداي-اق شاھار باسشىسى ازىرگە 3 گازبەن جىلىتۋ قازاندىعى بولاتىنىن ايتتى. قازاندىقتار جاڭا ۆوكزال، اۋەجاي جانە جاعالاۋ اۋدانىندا ورنالاسادى.

ايانا توعانبەك

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار