«فەدەراتسيانىڭ 2024 جىلعا دەيىنگى جوسپارىندا ءتورت نەگىزگى باعىتتى دامىتۋ كوزدەلىپ وتىر. اتاپ ايتقاندا, قالا تۇرعىندارى اراسىندا بۇقارالىق سپورتتى دامىتۋ, مەكتەپتەردە شاحمات ۇيىرمەلەرىن اشۋ, سپورتتاعى جوعارى جەتىستىكتەردى قالىپتاستىرۋ, سونداي-اق ارداگەرلەردى قولداۋ», دەدى جانسايا ابدىمالىك.
فەدەراتسيا الماتىلىقتار ءۇشىن شاحمات مادەنيەتىمەن تانىسۋعا مۇمكىندىك بەرەدى. تاياۋداعى ءۇش جىلدا ءبىر مەزگىلدى ويىننىڭ اشىق سەانستارىن, الماتى جانە باسقا قالالار قۇرامالارى اراسىندا تۋرنيرلەر ۇيىمداستىرۋ, سونداي-اق ساياباقتاردا, اۋلالاردا, اۋرۋحانالاردا جانە باسقا دا قوعامدىق ورىنداردا جاڭا شاحمات ايماقتارىن قۇرۋ جوسپارلانۋدا.
«جالپى ءبىلىم بەرۋ مەكەمەلەرىندە شاحمات ساباقتارىن ەنگىزۋ تاجىريبەسى ۇلىبريتانيادا, اقش-تا, تۇركيادا بۇرىننان قولدانىلىپ كەلەدى. ال ارمەنيا شاحماتتى مىندەتتى مەكتەپ باعدارلاماسىنا ەنگىزگەن الەمدەگى العاشقى ەل بولدى. الماتىلىق وقۋشىلار ءۇشىن بۇل ودان ءارى ينتەللەكتۋالدى دامۋعا قولايلى جاعداي جاسايتىنى ءسوزسىز», دەدى فەدەراتسيا پرەزيدەنتى.
