20 ساۋىردە اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە جاڭبىر جاۋادى. رەسپۋبليكانىڭ شىعىسىندا قار ارالاس جاڭبىر كۇتىلەدى. تەك باتىس وڭىرلەردە جاۋىن-شاشىنسىز اۋا رايى بولجانادى. سولتۇستىكتە – تۇمان, وڭتۇستىكتە, وڭتۇستىك-شىعىستا – نايزاعاي, بۇرشاق, داۋىل, باتىستا شاڭدى داۋىل بولادى. سونىمەن بىرگە بارلىق وڭىردە جەلدىڭ كۇشەيۋى بايقالادى.
كۇندىز اقمولا وبلىسىنىڭ سولتۇستىگىندە, شىعىسىندا جەل 15-20 م/س كۇشەيەدى. تۇندە جانە تاڭەرتەڭ ءوڭىردىڭ وڭتۇستىگىندە تۇماندى بولادى. الماتى وبلىسىنىڭ وڭتۇستىگىندە جانە تاۋلى اۋداندارىندا نايزاعاي, بۇرشاق, داۋىل كۇتىلەدى. نايزاعاي كەزىندە جەل 17-22 م/س, الاكول كولدەرى اۋدانىندا 25 م/س كۇشەيەدى.
تۇركىستان وبلىسىنىڭ باتىسىندا, وڭتۇستىگىندە جانە تاۋلى اۋداندارىندا نايزاعاي, داۋىل, تاۋلى اۋدانداردا بۇرشاق, 15-20 م/س ەكپىندە جەل بولجانادى. جامبىل وبلىسىنىڭ وڭتۇستىگىندە جانە تاۋلى اۋداندارىندا نايزاعاي, بۇرشاق, داۋىل, وبلىستىڭ سولتۇستىك-شىعىسىندا جانە تاۋلى اۋداندارىندا 15-20 م/س كۇشپەن جەل بولجانادى.
كۇندىز قىزىلوردا وبلىسىنىڭ وڭتۇستىگىندە نايزاعاي كۇتىلەدى, وبلىس ورتالىعىندا جەل 15-20 م/س ارتادى. كۇندىز پاۆلودار وبلىسىنىڭ باسىم بولىگىندە جەل 15-20 م/س كۇشەيەدى. كۇندىز ماڭعىستاۋ وبلىسىنىڭ باتىسى مەن ورتالىعىندا جەلدىڭ جىلدامدىعى 15-20 م/س ارتىپ, شاڭدى داۋىل تۇرادى.
قوستاناي وبلىسىنىڭ سولتۇستىگىندە تۇمان, كۇندىز سولتۇستىكتە, شىعىستا جەل 15-20 م/س كۇشەيەدى. كۇندىز سولتۇستىك قازاقستان وبلىسىنىڭ وڭتۇستىگىندە جەل 15-20 م/س ارتادى. تۇندە جانە تاڭەرتەڭ وبلىستىڭ باتىسىندا تۇمان بولادى.
سونىمەن بىرگە باتىس قازاقستان, سولتۇستىك قازاقستان وبلىستارىنىڭ وڭتۇستىگىندە, اقتوبە وبلىسىنىڭ ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.
