ساراپشىلار مەملەكەت باسشىسى ق.توقاەۆتىڭ جولداۋىندا ايتىلعان ساياسي رەفورمالارعا وراي پىكىرلەرىن ءبىلدىرىپ, ستۋدەنت جاستار تاراپىنان قويىلعان سۇراقتارعا جاۋاپ بەرە وتىرىپ, رەفورمالاردىڭ جۇزەگە اسۋى, ىقتيمال تاۋەكەلدەر بارىسىنا تالداۋ جاسادى.
ءىس-شارانى جۇرگىزگەن «قازاقستاندىق قوعامدىق دامۋ ينستيتۋتى» كەاق باسقارما توراعاسى قازبەك مايگەلدينوۆ ساياسي رەفورمالاردىڭ جاڭا باعدارلاماسى رەسپۋبليكا ءومىرىنىڭ بارلىق سالاسىنا سەرپىن بەرەتىن ماڭىزدى قادام ەكەنىن اتاپ ءوتتى.
ءوز كەزەگىندە ءال-فارابي اتىنداعى قازۇۋ فيلوسوفيا جانە ساياساتتانۋ فاكۋلتەتىنىڭ دەكانى بەكجان مەيىرباەۆ سايلاۋ جۇيەسىندەگى وزگەرىستەر, ازاماتتاردىڭ سايلاۋعا قاتىسۋ مۇمكىندىگى تۇرعىسىندا وي بولىسسە, «التەرناتيۆا» زاماناۋي زەرتتەۋلەر ورتالىعىنىڭ ديرەكتورى, ساياساتتانۋشى اندرەي چەبوتاريوۆ قازاقستاننىڭ ساياسي ومىرىندەگى ماڭىزدى وقيعا كونستيتۋتسيالىق رەفورما ەكەندىگىنە توقتالىپ, مەملەكەت باسشىسىنىڭ ەلدەگى ساياسي جۇيەنى رەفورمالاۋداعى باسىمدىقتارى جايىندا ايتىپ ءوتتى. جاريالانعان ساياسي رەفورمالاردىڭ مازمۇنى مەن سيپاتى, ونىڭ ىشىندە سۋپەرپرەزيدەنتتىك باسقارۋ مودەلىنەن شىعۋدى ەسكەرۋ, ەلىمىزدىڭ نەگىزگى زاڭىنا تۇزەتۋلەر ءاربىر قازاقستاندىقتىڭ ومىرىنە ەلەۋلى وزگەرىستەر اكەلەتىنىنە سەنىم بىلدىرگەن ساراپشى كونستيتۋتسيالىق رەفورمانى رەفەرەندۋم ارقىلى جۇزەگە اسىرۋ ەلىمىزدە عانا ەمەس, شەت ەلدەردەگى جانە حالىقارالىق ۇيىمدار تاراپىنان دا قولداۋ تاباتىنى ءسوزسىز ەكەنىن اتاپ ءوتتى.
ەلىمىزدىڭ دامۋ كەلەشەگىنە قاتىستى ماڭىزدى ماسەلەلەرگە توقتالعان ساياساتتانۋشى دينا ايكەنوۆانىڭ ايتۋىنشا, بۇل باعىتتا ساياسات, ودان كەيىن ەكونوميكا سالاسىنا ءمان بەرىلەدى. ياعني ساياسي جۇيەنىڭ ترانسفورماتسياسى ەڭ الدىمەن, ساياسي مىنەز-ق ۇلىق نورمالارىن, قۇندىلىقتاردى وزگەرتۋگە باستايدى.
پرەزيدەنت جانىنداعى قسزي باس ساراپشىسى, ساياساتتانۋشى ءادىل كاۋكەنوۆ پرەزيدەنت جولداۋىندا ساياسي جۇيەنى جۇزەگە اسىرۋعا جەتەلەيتىن رەفورمالاردىڭ ماڭىزدى باعىتتارىنا توقتالدى. جولداۋدا كوتەرىلگەن باسىمدىقتار, اسىرەسە جەرگىلىكتى بيلىكتىڭ كۇشەيۋىنە, وسى كەزگە دەيىن نازاردان تىس قالىپ كەلگەن ماڭىزدى ەلدى مەكەندەردى دامىتۋعا ىقپال ەتەدى. ساياساتتانۋشىنىڭ ايتۋىنشا, ەلدە قولعا الىناتىن بارلىق باستاما ەندىگى كەزەكتە قاڭتار قاسىرەتىن قايتالاماۋعا ساباق بولۋعا ءتيىس.
جيىنعا قاتىسۋشىلار ەلىمىزدەگى قوعامدىق-ساياسي احۋالدىڭ وزەكتى ماسەلەلەرىنە وراي پىكىر ءبولىسىپ, قالىپتاسقان جاعدايعا ساراپتاما جاسادى. جولداۋدا كوتەرىلگەن باسىمدىقتار ءار ازاماتتىڭ ومىرىنە وزگەرىس اكەلۋى ءتيىس. ال جولداۋدا كوزدەلگەن وزگەرىستەر قازاقستاندىقتاردىڭ جارقىن كەلەشەككە دەگەن تالپىنىسىمەن تىعىز بايلانىستى.
الماتى
