«اتتەستاتسيا ءراسىمىن الىپ تاستاۋ – ەڭ كوپ تۇسەتىن ۇسىنىستاردىڭ ءبىرى. ونى مەن جاسىرا المايمىن. مۇنىڭ الدىندا 2018 جىلدان باستاپ اتتەستاتسيا ەنگىزىلدى. مەن وسى تەستىلەۋدى الىپ تاستايمىز دەسەم, ءبارى بورىكتەرىن اسپانعا لاقتىرىپ, قۋاناتىنى تۇسىنىكتى. بىراق بىزگە مۇنداي ارزان پيار قاجەت ەمەس. ەڭ قاجەتى – ءبىلىم بەرۋ ساپاسى», دەدى مينيستر.
سوندىقتان ول سالاعا قاتىستى شەشىم قابىلداردا ەڭ اۋەلى جەكەلەگەن توپتارعا ەمەس, جالپى حالىققا پايدالى جاعىن نەگىزگە الاتىنىن ءتۇسىندىردى.
«بىزدە ەڭ باستى ماسەلە – جاقسى ءبىلىم الۋ ماسەلەسى. سوندىقتان ءبىز بىرەۋگە ۇناۋ ءۇشىن, بىرەۋدىڭ ءتىلىن تابۋ ءۇشىن وسىنداي شەشىمدەر قابىلدامايمىز. ءبىز ەلگە قاجەتتى شەشىم قابىلدايمىز. بۇل وتە ماڭىزدى ماسەلە», دەدى اسحات ايماعامبەتوۆ.
