كەزدەسۋ بارىسىندا ەلشى قوس كيەنىڭ ساقشىسى كورول سالمان بەن ابدەلازيز ءال ساۋدتىڭ اتىنا جولداعان قازاقستان پرەزيدەنتى قاسىم-جومارت توقاەۆتىڭ 2022 جىلدىڭ كۇزىندە نۇر-سۇلتان قالاسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە جانە اوسشك-ءنىڭ 6-شى سامميتىنە شاقىرۋلارىن تابىس ەتتى.
قازاقستاندىق ديپلومات كوپۇلتتى جانە كوپكونفەسسيالى قوعامدا بەيبىتشىلىك پەن كەلىسىمدى ساقتاۋداعى ەلىمىزدىڭ تاجىريبەسى تۋرالى بايانداپ, ساۋد ارابياسىنىڭ سەزد يدەيالارىن ىلگەرىلەتۋگە قوسقان ۇلەسىن اتاپ ءوتتى. سونىمەن قاتار ول قازاقستاننىڭ اوسشك-تەگى توراعالىعى شەڭبەرىندە اتقارىلىپ جاتقان ءىس-شارالار جونىندە جانە ازيادا بەيبىتشىلىكتى, قاۋىپسىزدىك پەن تۇراقتىلىقتى قامتاماسىز ەتۋگە باعىتتالعان وسى ديالوگ الاڭىنىڭ وڭىرلىك ىنتىماقتاستىقتى نىعايتۋداعى ءرولى تۋرالى اقپاراتتى جەتكىزدى.
وسى رەتتە ب. ارىن اوسشك سامميتىنە مارتەبەلى قوناقتار رەتىندە العاش رەت شاقىرىلعان كورولدىك وكىلدەرىنىڭ قاتىسۋى ىنتىماقتاستىق گەوگرافياسىن جانە كوپجاقتى ءوزارا ءىس-قيمىل فورماتىن كەڭەيتۋگە جاڭا مۇمكىندىكتەر بەرەتىنىن اتاپ ءوتتى.
سونىمەن قاتار تاراپتار ەكىجاقتى ىنتىماقتاستىقتىڭ كۇن تارتىبىندەگى بىرقاتار ماسەلەنى قاراستىرىپ, ءوزارا قىزىعۋشىلىق تۋدىراتىن حالىقارالىق پروبلەمالار بويىنشا پىكىر الماستى.
كەزدەسۋ قورىتىندىسى بويىنشا ديپلوماتتار ەكى ەل اراسىنداعى دوستىق قاتىناستاردى دامىتۋ جانە نىعايتۋ ماقساتىندا بىرلەسكەن كۇش-جىگەردى جالعاستىرۋعا كەلىستى.
