«سەرگەەۆ سۋ قويماسىنا جيىلعان سۋ دەڭگەيى 9 سم-گە دەيىن كوتەرىلدى. ول سۋ قويمانىڭ ەرنەۋىنەن اسىپ, توگىلىپ جاتىر. دەسەك تە بيىل ايتارلىقتاي سۋ تاسقىنى بولمايدى, جىلداعىداي پەتروپاۆلداعى زارەچنىي كەنتىندەگى ساياجاي ۋچاسكەلەرى سۋ استىندا قالمايدى», دەپ سەندىردى «قازگيدرومەت» رمك سقو فيليالىنىڭ ماماندارى.
فيليال ديرەكتورى قىمبات مەرعاليموۆانىڭ ايتۋىنشا, بولجام بويىنشا اسىپ توگىلۋ نەبارى 20 سم عانا بولماق. سۋ قويماسى اقمولا وبلىسىنان كەلگەن سۋمەن تولىعىپ جاتىر, ال ەسىل وزەنىنىڭ ساعالارىندا سۋ دەڭگەيىنىڭ تۇسكەنى بايقالادى. تاڭعى ساعات 8.00-دەگى اقپارات بويىنشا, ەسىل وزەنى كرەششەنكو ەلدى مەكەنىنىڭ ماڭىندا 12 سم-گە, سەرگەەۆكا قالاسىنىڭ ماڭىندا 11 سم-گە كوتەرىلدى. ال سەرگەەۆ سۋ قويماسىندا دەڭگەيى ءبىر تاۋلىكتە 16 سم-گە وزگەرگەن.
سقو-دا ەڭ ۇلكەن سۋ تاسقىنى 2017 جىلى بولدى, وسى ۋاقىتتا سەرگەەۆ سۋ قويماسىنان تاسىعان سۋدىڭ بيىكتىگى 3 مەتردەن اسىپ كەتكەن. 2018 جىلى 2 مەترگە جۋىقتاسا, بىلتىر 1,5 مەترگە جەتكەن.
