ونىڭ ايتۋىنشا, بۇل پروتسەسس 2023 جىلعا دەيىن جالعاسادى. ۆيتسە-ءمينيستردىڭ سوزىنە قاراعاندا, كاسىپكەرلىك قىزمەتتى رەتتەۋدەگى جاڭا تاسىلدەردى ىسكە اسىرۋ ءۇشىن رەتتەۋشى مەملەكەتتىك ورگاندارعا مىناداي مىندەتتەر جۇكتەلمەك: ءوز قۇزىرەتى شەگىندە رەفورمانى ىسكە اسىرۋعا «تازا پاراقتان» جوباسىنا جاۋاپكەرشىلىكپەن قاراۋ; رەتتەۋشىلىك تالاپتاردى قايتا قاراۋ جونىندەگى جۇمىسقا سالالىق ساراپشىلاردى بەلسەندى تارتۋ; وسى جۇمىسقا جاۋاپتى مەملەكەتتىك ورگانداردىڭ ءبىرىنشى باسشىلارىنىڭ ورىنباسارلارىن ايقىنداۋ.
«تۇتاستاي العاندا, «تازا پاراقتان» رەتتەۋدى ەنگىزۋ بويىنشا جۇمىس جوسپار-كەستە شەڭبەرىندە ودان ءارى جالعاستىرىلىپ, تۇراقتى باقىلاۋدا بولادى. مەملەكەت باسشىسى ۇلتتىق كاسىپكەرلەر پالاتاسىنىڭ 8-ءشى سەزىندە شاعىن جانە ورتا كاسىپكەرلىكتىڭ 2030 جىلعا دەيىنگى جاڭا دامۋ ستراتەگياسىن ايقىنداۋ مىندەتىن قويدى. وسى تاپسىرمانى ورىنداۋ ءۇشىن شاعىن جانە ورتا كاسىپكەرلىكتى دامىتۋدىڭ 2030 جىلعا دەيىنگى تۇجىرىمداماسىنىڭ جوباسى ازىرلەندى. بۇل ءۇشىن قۇجاتتا ءوسۋ الەۋەتى بار شوك-قا باسىم قولداۋ كورسەتۋگە باعىتتالعان سالانى دامىتۋ تاسىلدەرى قالىپتاستىرىلعان», دەدى ت. جاقسىلىقوۆ.
ۆيتسە-ءمينيستردىڭ ايتۋىنشا, ازىرلەنگەن تاسىلدەردى ىسكە اسىرۋ مىناداي قاعيداتتاردى ساقتاۋ ارقىلى جۇزەگە اسىرىلادى:
- كاسىپكەرلىك باستامالاردى قولداۋ جانە ىنتالاندىرۋ;
- فيسكالدىق پاراساتتىلىقتى كوتەرمەلەۋ, كولەڭكەدەن شىعۋعا ىقپال ەتۋ;
- شوك باسەكەگە قابىلەتتىلىگىنىڭ وسۋىنە جاردەمدەسۋ.
شوك-تى دامىتۋ تاسىلدەرى پيراميدا قاعيداتى بويىنشا قۇرىلادى جانە قازاقستان رەسپۋبليكاسىندا شوك-تى دامىتۋ پروبلەمالارىن شەشۋگە باعىتتالعان مىناداي مىندەتتەردى ورىنداۋ ارقىلى ىسكە اسىرىلاتىن بولادى:
1) كاسىپكەرلىك بەلسەندىلىكتى قامتاماسىز ەتەتىن ينستيتۋتسيونالدىق ورتا قۇرۋ;
2) بيزنەس-احۋال مەن بيزنەس-ورتاعا اسەر ەتەتىن كاسىپكەرلىك قىزمەتتى رەتتەۋدى دامىتۋ;
3) مەملەكەتتىك قولداۋ شارالارى قۇرىلىمىنىڭ تيىمدىلىگىن قامتاماسىز ەتۋ.
