بابا رۋحىنا تاعزىم ەتۋمەن باستالعان شارانى ءبىلىم ورداسىنىڭ باسشىسى جانسەيىت تۇيمەباەۆ قۇتتىقتاۋ سوزبەن اشىپ, ء«ال-فارابي فەنومەنى – شىن مانىندە تەڭدەسى جوق قۇبىلىس. ءال-فارابي – ۇلى ويشىل عانا ەمەس, ادامزاتتىڭ رۋحاني ورلەۋىنە ىقپال ەتكەن پلانەتارلىق دەڭگەيدەگى عۇلاما عالىم. فورۋمنىڭ تاريحي ميسسياسى – فارابي ءىلىمى ارقىلى جاستاردىڭ وي-ءورىسىن كەڭەيتۋ. تاريحي جانە زاماناۋي قۇندىلىقتاردى توعىستىرۋ ارقىلى فارابيتانۋداعى جاڭا باعىتتاردى دامىتۋ, فارابي ءىلىمىن جان-جاقتى, سالا-سالاعا ءبولىپ تالقىلاۋ», دەپ اتاپ ءوتتى.
جيىندا ءسوز العان وزبەكستان رەسپۋبليكاسىنىڭ الماتىداعى باس كونسۋلى ابرور فاتحۋللاەۆ عالىمنىڭ باعا جەتپەس باي مۇراسىنىڭ جالپىادامزاتتىق ماڭىزىنا توقتالدى. « ۇلى ءال-فارابي ءوز زامانىندا بارلىق عىلىم سالاسىنا ۇلكەن ۇلەس قوستى. ورتاعاسىرلىق ويشىلداردان العاشقى بولىپ الەۋمەتتىك ءومىر قۇرىلىمىنىڭ ەرەكشەلىكتەرى تۋرالى ءىلىمنىڭ نەگىزىن قالادى. ول شىن مانىندە الەم عالىمى رەتىندە رۋحاني قۇندىلىقتاردى بىرىكتىردى. ءال-فارابي شىعارمالارى ورتا عاسىرلار مەن قايتا ورلەۋ داۋىرىندە ەۋروپاداعى دۇنيەتانىم مەن عىلىمعا تىكەلەي اسەر ەتتى. الەم, گۋمانيزم جانە ادىلەتتىلىك تۋرالى دۇنيەتانىمى جاڭا سىن-تەگەۋرىندەر مەن قاۋىپ-قاتەرلەرگە كەزىككەن كەزەڭدە اسا وزەكتى», دەدى باس كونسۋل ءوز سوزىندە.
فورۋمعا ارنايى قاتىسقان تۇركىتىلدەس مەملەكەتتەر ينتەگراتسيالىق كەڭەسى باس حاتشىسىنىڭ ورىنباسارى اداحان مادۋماروۆ جاستارعا ءسات-ساپار تىلەدى. ول ءوز سوزىندە «جاس عالىمداردىڭ ۇزدىك جۇمىستارىن تاماشالاۋ بارىسىندا بولاشاعى زور عىلىمي زەرتتەۋلەرگە كۋا بولدىق» دەي كەلىپ, «اقىلدى كۇنحانا» جوباسىنىڭ ماڭىزدىلىعىنا, ەشكى سۇتىنەن جاسالعان ىرىمشىك جوباسىنىڭ حالىق دەنساۋلىعى ءۇشىن اسا قاجەت ەكەندىگىنە توقتالدى. ال جاھاندانۋ وركەنيەتىنەن تىس قالماۋ ءۇشىن جاستار زاماناۋي جوبالاردى جۇزەگە اسىرا بەرگەنى ابزال.
ۋنيۆەرسيتەت رەكتورى ج.تۇيمەباەۆ وسى ورايدا I حالىقارالىق فارابي فورۋمىنىڭ ەل يگىلىگى جولىندا ءداستۇرلى شارا رەتىندەگى ماڭىزىنا توقتالدى. ءبىلىم مەن عىلىمنىڭ قارا شاڭىراعى ۇزدىك داستۇرلەردى ساقتاي وتىرىپ, ىرگەلى جانە قولدانبالى زەرتتەۋلەر, تەحنولوگيالاردى كوممەرتسيالاندىرۋ شەڭبەرىندە جاس عالىمدار مەن ستۋدەنتتەردىڭ حالىقارالىق عىلىمي-تەحنيكالىق ىقپالداستىعىن دامىتا بەرەتىن بولادى. بۇگىندە گرانتتىق قارجىلاندىرۋدىڭ 10 پايىزى ستۋدەنتتەردىڭ عىلىمي-زەرتتەۋ قىزمەتىنە باعىتتالعان.
فورۋم جاس عالىمداردىڭ جەتىستىكتەرىن پاش ەتۋمەن ەرەكشەلەندى. «قازۇۋ-دىڭ ۇزدىك جاس عالىمى» بايقاۋى مەن ستۋدەنتتىك بيزنەس-ينكۋباتورلار يننوۆاتسيالىق جوبالارىنىڭ جەڭىمپازدارى ماراپاتتالىپ, ارنايى ديپلومدار مەن قارجىلاي سىيلىققا يە بولدى.
ۇزدىك يننوۆاتسيالىق ستۋدەنتتىك جوبانىڭ اۆتورلارى – قازۇۋ-دىڭ فيزيكا-تەحنيكالىق فاكۋلتەتىنىڭ ستۋدەنتتەرى دينارا جۇمالينا مەن قالدىگۇل كارىباەۆاعا Ι دارەجەلى ديپلوم مەن 150 مىڭ تەڭگە قارجىلاي سىيلىق تابىستالدى. بۇل جوبا مۇمكىندىگى شەكتەۋلى جاندارعا ارنالعان ارنايى سۋردواۋدارمانى HandDetector قوسىمشاسى كومەگىمەن دايىنداۋعا باعىتتالعان. جوبا اۆتورلارىنىڭ ايتۋىنشا, الەمدە 2 ملن ادام ىمداۋ تىلىمەن سويلەسەدى. باعدارلاما وسىنداي مۇمكىندىگى شەكتەۋلى جانداردىڭ ءىس-قيمىلدارىن باسقا ادامدارعا تۇسىندىرۋگە كومەكتەسەدى.
فورۋم عالىمدار مەن ستۋدەنت جاستاردىڭ عىلىمي شىعارماشىلىعىنىڭ ءتۇرلى باعىتتارىن بىرىكتىرە وتىرىپ, 6 مىڭنان استام قاتىسۋشى عىلىمي جەتىستىكتەر, زياتكەرلىك ويىندار, دوڭگەلەك ۇستەلدەر, عىلىمي دەباتتاردىڭ كۋاسى بولدى. سونىمەن بىرگە ستۋدەنتتىك بيزنەس-ينكۋباتورلاردىڭ يننوۆاتسيالىق جوبالارى كورمەسىمەن تانىستى. فورۋم بارىسىندا ەلىمىزگە بەلگىلى عالىمدار ءوز تاجىريبەلەرىمەن ءبولىسىپ, بايانداما جاسادى.
الماتى
