13 ساۋىردە شقو پد پاترۋلدىك پوليتسيا باتالونىنىڭ قىزمەت ينسپەكتورلارى وسكەمەن-سامار باعىتىندا قىزمەت اتقارۋ كەزىندە 30 جاستاعى وسكەمەن قالاسى تۇرعىنىنىڭ باسقارۋىنداعى ۆاز اۆتوكولىگىن توقتاتقان.
كولىكتى تەكسەرۋ كەزىندە جۇكسالعىشتان رۇقسات قۇجاتتارى جوق 30 كەلىگە جۋىق بالىق تابىلدى. بۇل بالىق كوكپەكتى وڭىرىنەن اۋلانعانى انىقتالدى.
اتالعان ازاماتقا قاتىستى قر اقبتك-ءنىڭ 383-بابى 1 بولىگى (بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ قاعيدالارىن بۇزۋ) بويىنشا 10 اەك مولشەرىندەگى ايىپپۇل سالۋدى كوزدەيتىن اكىمشىلىك حاتتاما تولتىرىلدى.
ايانا توعانبەك
