وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ول 13 ءساۋىر كۇنى حالىقارالىق تاسىمالداۋدى جۇزەگە اسىراتىن ميكرواۆتوبۋسپەن پاۆلودار قالاسىنا نوۆوسىبىردەن اجەسىنە قوناققا كەلگەن. اكادەميك شوكين كوشەسىنە كەلگەن كەزدە بارلىق قاجەت اقپارات ساقتالعان ۇيالى تەلەفونىن كولىكتە قالدىرعانىن بىلگەن.
«مەن قازاقستانعا جاڭا عانا كەلگەن رف ازاماتشاسى بولعاندىقتان, قازاقستان ۆاليۋتاسى بولعان جوق, سوندىقتان تاكسيگە دە اقشا تولەي المادىم. شاراسىزدىقتان جىلاپ جىبەردىم. وسى ۋاقىتتا ماعان ءدارىحانادان شىققان ءبىر جىگىت جاقىندادى. ودان پوليتسيانى شاقىرۋدى ءوتىندىم, جاس جىگىت مەنى سابىرعا شاقىرىپ, ءوزىن اسىلبەك ەسىمدى پوليتسيا قىزمەتكەرى رەتىندە تانىستىردى. ءارى قاراي كولىگىنە وتىرعىزىپ, تەلەفونىم قالىپ قويعان ميكرواۆتوبۋستى ىزدەۋگە شىقتىق. شاعىن اۆتوبۋس قالا سىرتىندا توقتاتىلدى. اۆتوبۋس جۇرگىزۋشىسى ۇيالى تەلەفوننىڭ سالوندا قالعانىن بايقاماعان ەكەن. ارينە, مەنىڭ تاسىمالداۋشىعا ەشقانداي شاعىمىم جوق», دەپ جازدى پولينا مارۋحينا.
تەلەفوندى قايتارعاننان كەيىن پوليتسيا قىزمەتكەرى ونى اۋىر سومكەلەرىمەن ۇيگە دەيىن جەتكىزىپ سالعان.
«قۇرمەتتى مارات مۇرات ۇلى! وسىنداي ايبىندى قىزمەتكەرلەردى تاربيەلەگەنىڭىز ءۇشىن, پاۆلودارلىق پوليتسەيلەردىڭ كاسىبيلىگى ءۇشىن العىس ايتقىم كەلەدى. اعا لەيتەنانت اسىلبەك مۇحتيزاروۆقا العىسىم زور», دەپ جازادى رەسەي فەدەراتسياسىنىڭ ازاماتشاسى.
