تەرگەۋ ماتەريالدارىنا سايكەس, نۇرلان اعادىلوۆ قىزمەت بابىن تەرىس پايدالانعان. 2021 جىلى 13 تامىزدا قاراماعىندا جۇمىس ىستەگەن بالىمبەتوۆتەن 50 مىڭ تەڭگەنى بوپسالاپ العان.
سول ءۇشىن قىزمەت جاعىنان قولداۋعا ۋادە ەتكەن. ەكس-پوليتسەي كىناسىن مويىنداعان جوق. قورعاۋشىسى جالعاس اسقاروۆتىڭ ايتۋىنشا, سوتتا تاعىلعان ايىپتار راستالمادى دەپ وتىر.
ء«بىز وسى ۇكىمنىڭ قازاقستان رەسپۋبليكاسى جوعارى سوتىنىڭ قاۋلىلارى مەن قىلمىستىق-پروتسەسسۋالدىق زاڭناما تالاپتارىنا ساي كەلمەيدى دەپ سانايمىز. نەگىزگى سوت وتىرىسىندا ايىپتاۋشى جاقتىڭ بوپسالاۋ ارقىلى پارا الۋعا قاتىستى دالەلدەرى راستالمادى. جابىرلەنۋشى دە اعادىلوۆتىڭ اقشانى بوپسالاپ الماعانىن مالىمدەدى. كومەك بەرۋدى سۇراعاننان كەيىن ءوز ەركىمەن كەلىسكەن. سول كەزدە اعادىلوۆ ونى قورقىتقان جوق», دەيدى اسقاروۆ.
ونىڭ سوزىنە قاراعاندا, جابىرلەنۋشى عانا ەمەس, تاعى ەكى كۋاگەر قورقىتىپ-ۇركىتۋدىڭ بولماعانىن راستادى. جەدەل-ىزدەستىرۋ كەزىندە اۋديوجازبا دا جاسالعان.
«وكىنىشكە قاراي, سوت ۇكىم شىعارعاندا وسى دالەلدەردى نازارعا العان جوق. ءبىز مىندەتتى تۇردە اپپەلياتسيالىق شاعىم تۇسىرەمىز», دەپ اتاپ كورسەتتى ن. اسقاروۆ.
