«2021 جىلدىڭ قورىتىندىسى بويىنشا قازاقستاندا ونكولوگيالىق اۋرۋلارمەن سىرقاتتانۋ 9,8%-عا ءوسىپ, 100 مىڭ تۇرعىنعا شاققاندا 190,3-ءتى قۇرادى. ياعني, 2021 جىلى 36 مىڭنان استام جاڭا جاعداي انىقتالدى جانە بۇل 2020 جىلمەن سالىستىرعاندا 4 مىڭعا جۋىق جاعدايعا ارتىق», دەدى ديليارا قايداروۆا.
سونىمەن قاتار ونىڭ ايتۋىنشا, ونكولوگيالىق اۋرۋلاردى ەرتە انىقتاۋ 27%-عا دەيىن, ال بەس جىلدىق ءومىر ءسۇرۋ دەڭگەيى 55%-عا دەيىن ءوستى.
«اۋرۋلار بويىنشا ءبىرىنشى ورىندا, بۇرىنعىداي, ءسۇت بەزى قاتەرلى ىسىگى, ەكىنشى ورىندا - وكپە قاتەرلى ىسىگى, سودان كەيىن كولورەكتالدى قاتەرلى ىسىك, اسقازان قاتەرلى ىسىگى جانە جاتىر موينى وبىرى», دەدى د. قايداروۆا.
قر دسم مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار جانعاراشەۆا قازاقستاندا 2021 جىلى ونكولوگيالىق اۋرۋلاردىڭ 36 140 جاڭا جاعدايى تىركەلگەنىن حابارلادى.
«ونكولوگيالىق اۋرۋلارمەن اۋىراتىنداردىڭ نەگىزگى ۇلەسىن نەمەسە 59%-ىن ەڭبەككە قابىلەتتى جاستاعى ادامدار الادى», دەدى گ. جانعاراشەۆا.
ونىڭ مالىمەتىنشە, قازاقستاندا جالپى قۇرىلىمدا قاتەرلى ىسىكتەردەن بولاتىن ءولىم-ءجىتىم ءۇشىنشى ورىندا تۇر.
