«تۇرعىن ءۇي قاتىناستارى تۋرالى» زاڭعا, اتا-اناسىنىڭ قامقورلىعىنسىز قالعان بالالاردى مەملەكەتتىك تۇرعىن ءۇي قورىنان باسپانا الۋ ءۇشىن ەسەپكە قويۋ مەرزىمىن 6 ايدان 3 ايعا دەيىن قىسقارتۋ بويىنشا تۇزەتۋلەر ەنگىزىلەدى», دەدى ول.
سەناتوردىڭ ايتۋىنشا, «نەكە (ەرلى-زايىپتىلىق) جانە وتباسى تۋرالى» كودەكسكە, ەگەر كامەلەتكە تولماعان بالاعا تۋىسى, وگەي اكەسى (شەشەسى) تۇلعاسىندا دەرەۋ قامقورشى تاعايىنداۋ قاجەت بولسا, ءتيىستى ورگاندار پسيحولوگيالىق دايارلىقتان وتكىزبەستەن قامقورشىلىقتى بەلگىلەۋگە قۇقىلى بولادى. قازىرگى زاڭناما بويىنشا بالانى الۋ ءۇشىن 1 جىل پسيحولوگيالىق دايىندىقتان ءوتۋ كەرەك.
«مۇنىمەن قوسا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە, مۇمكىندىگى شەكتەۋلى بالالارعا ارنالعان مەديتسينالىق وڭالتۋ ورتالىقتارىن تەك استانادا, وبلىستاردا, قالالالاردا عانا ەمەس, اۋدان ورتالىقتارىندا, قولدانىستاعى اۋرۋحانالار مەن ەمحانالاردىڭ بازاسىندا قۇرۋ بويىنشا جەرگىلىكتى اتقارۋشى ورگاندارىنىڭ قۇزىرەتى بەكىتىلەدى. اتالعان نورما اۋىلدىق, اۋداندىق ەلدى مەكەندەگى ەرەكشە قاجەتتىلىگى بار بالالار ءۇشىن تۇراقتى وڭالتۋ قىزمەتتەرى قولجەتىمدى ەتەدى», دەدى ل. سۇلەيمەن.
