ۆەدومستۆونىڭ مالىمەتىنشە, 18-27 جاس ارالىعىندا ازاماتتارعا اسكەرگە شاقىرۋ بويىنشا ارنايى شاقىرتۋ قاعازى جانە sms-حابارلامالار جىبەرىلەدى. شاقىرتۋدى العان بويدا ولار مەديتسينالىق كوميسسيادان وتۋگە مىندەتتى.
«ەگەر اسكەرگە شاقىرىلۋشى بىرنەشە رەت حابارلاعاننان كەيىن جيناۋ پۋنكتىنە كەلمەسە, وندا جەرگىلىكتى اسكەري باسقارۋ ورگاندارىنىڭ قىزمەتكەرلەرى پوليتسيا قىزمەتكەرلەرىمەن بىرلەسىپ, جالتارۋشىنىڭ تۇراتىن جانە جۇمىس ىستەيتىن جەرىنە بارادى», دەپ جازىلعان حابارلامادا.
مينيسترلىك مەديتسينالىق تەكسەرىستەن ءوتۋ بارسىندا ەگەر ازامات اسكەرگە جارامسىز دەپ تانىلسا, وندا سول كۇنى جيناۋ پۋنكتىنەن ۇيىنە قايتارلاتىنىن, ال قوسىمشا تەكسەرۋدى قاجەت ەتسە, وندا مەديتسينالىق مەكەمەلەرگە جىبەرىلەتىنىن اتاپ ءوتتى.
«سونىمەن قاتار شاقىرۋ بويىنشا مەديتسينالىق كوميسسيا مەن اسكەري قىزمەتتەن جالتارۋ اكىمشىلىك جانە قىلمىستىق جاۋاپكەرشىلىك رەتىندە قارالاتىنىن ەستەرىڭىزگە سالامىز. شاقىرۋ قاعازى بويىنشا مەديتسينالىق تەكسەرۋگە كەلمەگەن جاعدايدا 5 اەك مولشەرىندە ايىپپۇل سالىنادى. اسكەري قىزمەتتەن جالتارۋ 1 مىڭ اەك مولشەرىندە ايىپپۇل سالۋعا, نە سول مولشەردە تۇزەتۋ جۇمىستارىنا, نە 400 ساعاتقا دەيىنگى قوعامدىق جۇمىستارعا تارتۋعا, نە ءبىر جىلعا دەيىنگى مەرزىمگە باس بوستاندىعىن شەكتەۋگە نەمەسە ودان ايىرۋعا اكەپ سوعادى», دەيدى قورعانىس مينيسترلىگىندەگىلەر.
ايتا كەتسەك, قازىرگى ۋاقىتتا ەلىمىزدە 1 اەك مولشەرى 3063 تەڭگەگە تەڭ. وسىلايشا, اسكەري قىزمەتتەن جالتارعاندارعا 3 ملن 63 مىڭ تەڭگە ايىپپۇل سالىنۋى مۇمكىن.
