رەسمي دەرەك بويىنشا, سوڭعى 3 جىلدا قازاقستاندا 45 ميلليون شارشى مەتر باسپانا پايدالانۋعا بەرىلگەن. يندۋستريا جانە ينفراقۇرىلىمدىق دامۋ مينيسترلىگى ەلدىڭ بۇكىل وڭىرىندەگى تۇرعىن ءۇي نىساندارىنا رەۆيزيا جۇرگىزەتىن جۇمىس توبىن جاساقتادى.
«تەكسەرۋ بارىسىندا ارحيتەكتۋرا ورگاندارىنا, ستاتيستيكا ورگاندارى مەن باسقا دا ورگانداردىڭ بازالارىندا ەسەپكە قويىلعان نىساندار بويىنشا سالىستىرىپ تەكسەرۋ جۇرگىزىلەدى», دەپ جازىلعان مينيسترلىك حابارلاماسىندا.
جۇمىس توبىنىڭ قۇرامىنا جەرگىلىكتى اتقارۋشى ورگانداردىڭ, «مەملەكەتتىك قالا قۇرىلىسى كاداسترى» رمك, وڭىرلىك ستاتيستيكا دەپارتامەنتى مەن «ازاماتتارعا ارنالعان ۇكىمەت» مەملەكەتتىك كورپوراتسياسى» جاق وكىلدەرى كىردى.
