ءدىنيسلام بولاتحان ۇلى 1978 جىلى تۇركىستان قالاسىندا دۇنيەگە كەلگەن.
ءبىلىمى جوعارى. ماماندىعى بويىنشا فيلولوگ, قازاق ءتىلى مەن ادەبيەتى پاندەرىنىڭ وقىتۋشىسى, فيلولوگيا عىلىمدارىنىڭ كانديداتى, قۇقىقتانۋشى.
ق.ا. يااۋي اتىنداعى حالىقارالىق قازاق-تۇرىك ۋنيۆەرسيتەتىنىڭ تۇلەگى. سولتۇستىك قازاقستان مەملەكەتتىك ۋنيۆەرسيتەتىن جانە قاراعاندى ەكونوميكالىق ۋنيۆەرسيتەتىن اياقتاعان.
ەڭبەك جولىن 1999 جىلى سولتۇستىك قازاقستان مەملەكەتتىك ۋنيۆەرسيتەتىنىڭ قازاق فيلولوگياسى كافەدراسىنىڭ وقىتۋشىسى بولىپ باستاعان. 2002-2007 جىلدار ارالىعىندا ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قازاق ادەبيەتى كافەدراسىنىڭ وقىتۋشىسى, تۇركولوگيا فاكۋلتەتى دەكاننىڭ تاربيە جۇمىستارى جونىندەگى ورىنباسارى بولعان.
2007-2011 جىلدارى قر ءبىلىم جانە عىلىم مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ اكىمشىلىك-قارجى باسقارماسىنىڭ باس مامانىنان باستاپ جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ جوعارى وقۋ ورىندارىنىڭ قىزمەتىن ۇيلەستىرۋ جانە مونيتورينگ باسقارماسى باسشىسى بولعان.
2011-2014 جىلدارى وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ وقۋ ءىسى جونىندەگى پرورەكتورى-ءبىرىنشى پرورەكتورى قىزمەتىن اتقارعان.
2014-2017 جىلدارى قر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى ديرەكتورىنىڭ ورىنباسارى, مادەنيەت جانە سپورت مينيسترلىگىنىڭ ءبىلىم, عىلىمي جۇمىس جانە حالىقارالىق ىنتىماقتاستىق دەپارتامەنتىنىڭ ديرەكتورى, ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ استانا قالاسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسى, قر ءبىلىم جانە عىلىم مينيسترلىگىنىڭ «ۇلتتىق تەستىلەۋ ورتالىعى» رەسپۋبليكالىق مەملەكەتتىك قازىنالىق كاسىپورنى ديرەكتوردىڭ ورىنباسارى قىزمەتتەرىن اتقارعان.
2017 جىلدان بەرى پاۆلودار وبلىسىنىڭ ءبىلىم بەرۋ باسقارماسىنىڭ باسشىسى قىزمەتىن اتقارىپ كەلدى.
