مەملەكەت باسشىسى Astana Qazaqstan Team ۆەلوكومانداسىنىڭ باس مەنەدجەرى, قازاقستان ۆەلوسپورت فەدەراتسياسىنىڭ ۆيتسە-پرەزيدەنتى الەكساندر ۆينوكۋروۆپەن كەزدەسۋ وتكىزدى.
وليمپيادا چەمپيونى پرەزيدەنتكە Astana Qazaqstan Team ۆەلوكومانداسىنىڭ سوڭعى جەتىستىكتەرى مەن الداعى جوسپارى تۋرالى ايتتى.
قاسىم-جومارت توقاەۆقا ەلىمىزدەگى ۆەلوسپورتتىڭ دامۋى جونىندە, بۇقارالىق جانە بالالار مەن جاسوسپىرىمدەر سپورتىن قولداۋ, سونىڭ ىشىندە ەلىمىزدىڭ ءتۇرلى قالالارىندا ۆەلوسيپەد تەبۋدىڭ ەكسترەمالدى تۇرىمەن اينالىساتىن سپورتشىلار مەن اۋەسقويلار ءۇشىن ۆمح پاركتەرىن سالۋ جانە الماتىداعى ۆەلوترەكتى جاڭعىرتۋ جايىندا مالىمەت بەرىلدى.
مەملەكەت باسشىسى ۆەلوكوماندانىڭ الداعى كەزەڭگە ارنالعان جوسپارىن قولداپ, Astana Qazaqstan Team قازاقستاننىڭ حالىقارالىق ارەناداعى سپورتتىق برەندى ەكەنىن ەرەكشە اتاپ ءوتتى.
