تاعايىنداۋ • 12 ءساۋىر، 2022

قارقارالى جانە قازىبەك بي اۋداندارىنا جاڭا اكىمدەر تاعايىندالدى

129 رەت كورسەتىلدى

بۇعان دەيىن قاراعاندى وبلىسىنىڭ ىشكى ساياسات باسقارماسىن باسقارعان ەرلان قۇسايىن قارقارالى اۋدانىنىڭ اكىمى بولىپ تاعايىندالدى، دەپ جازادى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ەرلان بەيسەمباي ۇلى قۇسايىننىڭ ءۇش جوعارى ءبىلىمى بار: 1999 جىلى ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 2006 جىلى قاراعاندى ەكونوميكالىق ۋنيۆەرسيتەتىن جانە قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن بىتىرگەن.

ەڭبەك جولىن 1999 جىلى قارقارالى اۋدانىندا قازاق ءتىلى مەن ادەبيەتى ءپانىنىڭ مۇعالىمى بولىپ باستاپ، مەكتەپ ديرەكتورى قىزمەتىنە دەيىن  كوتەرىلدى.

2006 جىلدان باستاپ مەملەكەتتىك قىزمەتتە. بىرنەشە جىل وبلىستىق كاسىپكەرلىك جانە ونەركاسىپ باسقارماسىندا ءتۇرلى لاۋازىمداردا جۇمىس ىستەدى.

2008 جىلدان 2014 جىلعا دەيىن قاراعاندى وبلىسى اكىمىنىڭ ءباسپاسوز قىزمەتىندە ەڭبەك ەتتى. وبلىستاعى بۇقار جىراۋ اۋدانى اكىمىنىڭ ورىنباسارى بولدى.

2015 جىلدىڭ ماۋسىمىندا وبلىس اكىمى اپپاراتىنىڭ قازاقستان حالقى اسسامبلەياسىنىڭ حاتشىلىعىن باسقاردى. كەيىن «قوعامدىق كەلىسىم» كمم ديرەكتورى بولىپ تاعايىندالدى.

2020 جىلدىڭ ساۋىرىنەن باستاپ وسى ۋاقىتقا دەيىن قاراعاندى وبلىستىق  ىشكى ساياسات باسقارماسىنىڭ باسشىسى لاۋازىمىندا بولدى.

***

قاراعاندى قالاسىنداعى قازىبەك بي اتىنداعى اۋداننىڭ اكىمى بولىپ بۇعان دەيىن قارقارالى اۋدانىنىڭ باسشىسى قىزمەتىن اتقارعان ەلدار دۇيسەتاەۆ تاعايىندالدى.

ا

ەلدار سەرىك ۇلى دۇيسەتاەۆتىڭ ءۇش جوعارى ءبىلىمى بار: 2003 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 2006 جىلى  قاراعاندى ەكونوميكالىق ۋنيۆەرسيتەتىن جانە 2019 جىلى «بولاشاق» باعدارلاماسى بويىنشا وڭتۇستىك كاليفورنيا ۋنيۆەرسيتەتىن تامامداعان.

ەڭبەك جولىن 2003 جىلى قارقارالى قالاسىنىڭ №2 ورتا مەكتەبىندە مۇعالىم بولىپ باستادى.

2003 جىلدان بەرى مەملەكەتتىك قىزمەتتە. قاراعاندى وبلىسىنىڭ جەرگىلىكتى اتقارۋشى ورگاندارىندا، قر تابيعي مونوپوليالاردى رەتتەۋ اگەنتتىگىندە جانە ونىڭ اۋماقتىق بولىمشەلەرىندە جۇمىس ىستەگەن.

قاراعاندى وبلىسى اكىمى اپپاراتى باسشىسىنىڭ ورىنباسارى بولدى. 2019 جىلدىڭ جەلتوقسان ايىنان قازىرگى ۋاقىتقا دەيىن قارقارالى اۋدانىنىڭ اكىمى قىزمەتىن اتقاردى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار