قازاقستان • 11 ءساۋىر، 2022

جاڭا وبلىستاردىڭ اتاۋلارى ماقۇلداندى

99 رەت كورسەتىلدى

بۇگىن مادەنيەت جانە سپورت ءمينيسترى داۋرەن اباەۆتىڭ توراعالىعىمەن ۇكىمەت جانىنداعى رەسپۋبليكالىق ونوماستيكا كوميسسياسىنىڭ وتىرىسى ءوتتى، دەپ حابارلايدى Egemen.kz.

كوميسسيا وتىرىسىندا شىعىس قازاقستان، قاراعاندى جانە الماتى وبلىستارى اكىمدىكتەرىنىڭ جاڭادان قۇرىلعان اباي، ۇلىتاۋ جانە جەتىسۋ وبلىستارىنا اتاۋلار بەرۋ تۋرالى ۇسىنىستار قارالدى.

«مەملەكەت باسشىسى قازاقستان حالقىنا جولداۋىندا بىرقاتار اكىمشىلىك-اۋماقتىق وزگەرىستى اتاپ ءوتتى. ولاردىڭ بارلىعى تەرەڭ ەكونوميكالىق نەگىزدەمەگە يە. بىراق ءبىز ءۇشىن ەڭ باستىسى - قوعام پىكىرىن ەسكەرۋ. ەندى قازاقستاندا جاڭا وبلىستار پايدا بولادى. اتاپ ايتقاندا سەمەي قالاسى جاڭا اباي وبلىسىنىڭ ورتالىعىنا، جەزقازعان جاڭادان قۇرىلعان ۇلىتاۋ وبلىسىنىڭ ورتالىعىنا اينالادى، مۇنداي وزگەرىستەر الماتى وبلىسىنا دا قاتىستى»، دەدى داۋرەن اباەۆ.

كەز كەلگەن قالانى، ەلدى مەكەندى نەمەسە كوشەنى قايتا اتاۋ ونوماستيكا سالاسىن رەتتەيتىن زاڭناما تالاپتارىنا سايكەس جۇزەگە اسىرىلاتىنىن اتاپ ءوتۋ قاجەت.

كوميسسيا كەلىپ تۇسكەن ۇسىنىستاردى قاراپ، قورىتىندى شىعارادى. كەيىننەن قايتا اتاۋ تۋرالى شەشىم پرەزيدەنت جارلىعىمەن بەكىتىلەدى.

«وتىرىس قورىتىندىسى بويىنشا كوميسسيا مۇشەلەرى اكىمدىكتەردىڭ ۇسىنىسىن ماقۇلدادى. جاقىن ارادا كوميسسيانىڭ قورىتىندىسى دايىندالىپ، زاڭناماعا سايكەس ودان ءارى جۇمىس ىستەۋ ءۇشىن وبلىستاردىڭ اكىمدىكتەرىنە جىبەرىلەدى»، دەدى مينيستر.

بۇعان دەيىن رەسپۋبليكالىق ونوماستيكا كوميسسياسى قاپشاعاي قالاسىن قوناەۆ دەپ قايتا اتاۋ تۋرالى وڭ قورىتىندى بەرگەن بولاتىن.

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار