قۇرمانعازى ورىنعازى ۇلى ەسقازيەۆ ۆ.ي.لەنين اتىنداعى قازاق پوليتەحنيكالىق ينستيتۋتىنىڭ مۇناي فاكۋلتەتىن گەولوگ-تاۋ-كەن ينجەنەرى ماماندىعى بويىنشا ءبىتىردى.
2006 جىلى تومسك پوليتەحنيكالىق ۋنيۆەرسيتەتىندە ديسسەرتاتسيا قورعاپ, «گەولوگيا-مينەرالوگيا عىلىمدارىنىڭ كانديداتى» بىلىكتىلىك دارەجەسىن يەلەندى.
2021 جىلى ي.م.گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىندە ديسسەرتاتسيا قورعاپ, «گەولوگيا-مينەرالوگيا عىلىمدارىنىڭ دوكتورى» عىلىمي دارەجەسىن الدى. ول سونداي-اق ءال-فارابي اتىنداعى عىلىم مەن تەحنيكا سالاسىنداعى قر مەملەكەتتىك سىيلىعىنىڭ لاۋرەاتى, ي.م.گۋبكين اتىنداعى رەسەي مۇناي جانە گاز مەملەكەتتىك ۋنيۆەرسيتەتىنىڭ «مۇناي مەن گازدى ىزدەۋ-بارلاۋ» كافەدراسىنىڭ پروفەسسورى اتاندى.
ءوزىنىڭ ەڭبەك جولىن 1985 جىلى «ەمبانەفت» وندىرىستىك بىرلەستىگىندە وپەراتور-كوللەكتور بولىپ باستاعان. وندا وپەراتورلىقتان باستاپ «ەمبىمۇنايگاز» اق باس ديرەكتورىنا دەيىنگى وندىرىستىك قىزمەتتىڭ بارلىق ساتىسىنان ءوتتى.
2006 - 2008 جىلدار ارالىعىندا «قازمۇنايگاز» بارلاۋ ءوندىرۋ» اق گەولوگيا جانە يگەرۋ دەپارتامەنتى ديرەكتورىنىڭ ورىنباسارى, ديرەكتورى بولدى.
2008 جىلدان باستاپ 2015 جىلعا دەيىن «قازمۇنايگاز» ۇك اق-دا مۇناي جانە گاز ءوندىرۋ جونىندەگى اتقارۋشى ديرەكتور, گەولوگيا, گەوفيزيكا جانە رەزەرۆۋارلار جونىندەگى باسقارۋشى ديرەكتور, باس گەولوگ, باسقارما توراعاسىنىڭ گەولوگيا جانە كەلەشەك جوبالار جونىندەگى ورىنباسارى, وپەراتسيالىق ەمەس اكتيۆتەر (تەڭىز, قاشاعان, قاراشىعاناق) جونىندەگى باسقارۋشى ديرەكتور, گەولوگيا جونىندەگى باسقارۋشى ديرەكتور قىزمەتتەرىن اتقاردى.
2015-2018 جىلدار ارالىعىندا – «ەمبىمۇنايگاز» اق باس ديرەكتورى, «قازمۇنايگاز» بارلاۋ ءوندىرۋ» اق باس ديرەكتورى بولعان.
2018-2020 جىلدار ارالىعىندا «قازمۇنايگاز» ۇك اق باسقارما توراعاسىنىڭ بارلاۋ, ءوندىرۋ جانە مۇناي سەرۆيسى جونىندەگى ورىنباسارى, «قازمۇنايگاز» ۇك اق باسقارما توراعاسىنىڭ گەولوگيا جانە بارلاۋ جونىندەگى ورىنباسارى بولىپ قىزمەت ەتتى.
2020 جىلدان باستاپ «قازمۇنايگاز» بارلاۋ ءوندىرۋ» اق باس ديرەكتورى, ال 2022 جىلدىڭ اقپانىنان «قازمۇنايگاز» ۇك اق باسقارما توراعاسىنىڭ بارلاۋ جانە ءوندىرۋ جونىندەگى ورىنباسارى بولدى.
ايتا كەتسەك, اليك ايدارباەۆتىڭ باسقارما توراعاسى رەتىندەگى وكىلەتتىگى بەرگەن ءوتىنىشى بويىنشا مەرزىمىنەن بۇرىن توقتاتىلعان ەدى.
