ساۋالناما ناتيجەلەرىنە قاراعاندا, رەسپوندەنتتەردىڭ 70%-ى مەملەكەت باسشىسى قاسىم-جومارت توقاەۆتىڭ قىزمەتىنە وڭ باعا بەردى.
سۇرالعانداردىڭ 67,4%-ى پرەزيدەنتكە دەگەن قارىم-قاتىناسى جاقسارعانىن مويىنداعان.
كوپشىلىكتىڭ (42,1%) پىكىرىنشە, پرەزيدەنت, ەڭ الدىمەن, ازاماتتاردىڭ قۇقىقتارى مەن بوستاندىقتارىن قامتاماسىز ەتۋگە نازار اۋدارۋى كەرەك. بۇل رەتتە وتانداستارىمىزدىڭ 41,4%-ىن جالاقى, زەينەتاقى جانە جاردەماقى دەڭگەيىن كوتەرۋ ماسەلەسى تولعاندىرسا, 35,3%-ى ازاماتتاردىڭ قاۋىپسىزدىگىن قامتاماسىز ەتۋدى قولداپ وتىر. سۇرالعانداردىڭ 35,5%-ى حالىقارالىق بايلانىستاردى نىعايتۋ قاجەت دەپ سانايدى.
ساۋالناماعا قاتىسقانداردىڭ تورتتەن ءبىر بولىگى (26,3%) قاسىم-جومارت توقاەۆ سىبايلاس جەمقورلىققا قارسى كۇرەسكە ەرەكشە كوڭىل بولگەنىن قالايدى. ساۋالناماعا قاتىسۋشىلاردىڭ جارتىسىنان استامى (56,7%) پرەزيدەنت قىزمەتىنىڭ نەگىزىندە قاۋىپسىزدىك, الەۋمەتتىك ادىلەتتىلىك (35,9%), تۇراقتى ەكونوميكالىق دامۋ, ءاربىر وتباسىنىڭ اماندىعى, قوعامداعى دوستىق پەن كەلىسىم (26-28%) ماسەلەلەرى بولۋى ءتيىس دەپ ەسەپتەيدى.
سونداي-اق ساۋالناما ناتيجەلەرى حالىقتىڭ 20,5%-ى ۇكىمەتكە, ال 15%-ى جەرگىلىكتى اتقارۋشى ورگاندارعا ءۇمىت ارتاتىنىن كورسەتتى. پارلامەنتكە (سەنات, ءماجىلىس) دەگەن سەنىمى – 14,1%-دى قۇرادى.
ساۋالناماعا قاتىسۋشىلاردىڭ 34,3%-ى ءۇشىن ەڭ ماڭىزدى قۇندىلىق - تاۋەلسىزدىك.
ايتا كەتسەك, الەۋمەتتىك زەرتتەۋ 15-24 ناۋرىز ارالىعىندا جۇرگىزىلدى. ساۋالناماعا 1863 رەسپوندەنت قاتىستى, ولار: 18-50 جاس ارالىعىنداعى تۇرعىندار, ينتەرنەت پايدالانۋشىلارى. ساۋالناما نۇر-سۇلتان, الماتى, شىمكەنت قالالارى مەن ەلدىڭ 14 وبلىسىندا جۇرگىزىلدى.
