قازاقستان شاحمات فەدەراتسياسى مالىمەتىنە قاراعاندا چەمپيونات 7, 9, 11, 13, 15 جانە 17 جاسقا دەيىنگى جاس ساناتتارىندا ۇلدار جانە قىزدار ءۇشىن جەكە جارىس وتەدى.
چەمپيونات فيدە جارىستارىنىڭ جالپى ەرەجەلەرىنە سايكەس 9 تۋردان تۇراتىن شۆەيتساريا جۇيەسى بويىنشا وتكىزىلەدى.
ۋاقىتتى باسقارۋ: ءار قادام ءۇشىن 90 مينۋت + 30 سەكۋند.
جارىس سوڭىندا ءار ساناتتاعى ءۇش ۇزدىك ويىنشى التىن, كۇمىس جانە قولا مەدال ولجالايدى. چەمپيوناتتىڭ قالعان قاتىسۋشىلارىنا سەرتيفيكات بەرىلەدى.
13, 15 جانە 17 جاسقا دەيىنگى ساناتتاعى جەڭىمپازدارعا FM/WFM اتاعى بەرىلەدى. كۇمىس جانە قولا مەدال يەگەرلەرى سM/WCM تيتۋلىنا يە بولادى.
7, 9 جانە 11 جاسقا دەيىنگى جەڭىمپازدار, سونداي-اق كۇمىس جانە قولا مەدال يەگەرلەرى CM/WCM تيتۋلىن الادى.
قاتىسۋعا ءوتىنىش پەن تولەمدى قازاقستان شاحمات فەدەراتسياسىنىڭ office@kazchess.kz رەسمي پوچتاسىنا 22 ءساۋىر ساعات 12:00-گە دەيىن جىبەرۋ كەرەك.
جارىس فيدە جانە پاناما شاحمات فەدەراتسياسىنىڭ قولداۋىمەن وتەدى.
