العاشقى ساپار باتىس قازاقستان وبلىسىنان باستالدى. مۇندا ءىرى مۇناي-گاز كوندەنساتى كەن ورىندارىنىڭ ءبىرى – قاراشىعاناق ورنالاسقان. وسى كەن ورنىنان وندىرىلەتىن گاز قازاقستاندىق رەسۋرستىڭ باسىم بولىگىن قۇرايدى جانە ەلدىڭ باتىسىندا گاز تاسىمالداۋ ينفراقۇرىلىمىنىڭ ءىرى وبەكتىلەرى جۇمىس ىستەيدى.
وبلىس اكىمى عالي ەسقاليەۆپەن كەزدەسۋدە ءوڭىردىڭ ترانزيتتىك الەۋەتىن دامىتۋ جانە تاۋارلىق گازدىڭ رەسۋرستىق بازاسىن ارتتىرۋ ماسەلەلەرى تالقىلاندى.
قاراشىعاناق كەن ورنىنان ىشكى نارىق ءۇشىن تاۋارلىق گاز كولەمىن ۇلعايتۋ, سونداي-اق ىلەسپە گازدىڭ قوسىمشا كولەمىن قايتا وڭدەۋ سالاسىنداعى ىنتىماقتاستىق ماسەلەلەرى «قاراشىعاناق پەترولەۋم وپەرەيتينگ ب.ۆ.» كومپانياسىنىڭ باسشىلىعىمەن كەزدەسۋدە جان-جاقتى ءسوز بولدى.
سانجار جاركەشوۆتىڭ چينارەۆسكوە مۇناي-گاز كوندەنسات كەن ورنىن يگەرىپ جاتقان «جايىقمۇناي» جاۋاپكەرشىلىگى شەكتەۋلى سەرىكتەستىگى باسشىلىعىمەن كەزدەسۋىندە دە وسى ماسەلەلەر كوتەرىلدى. سونداي-اق اڭگىمە ءوڭىر مەن ەلدىڭ تۇتىنۋشىلارى ءۇشىن تاۋارلىق گاز ءوندىرىسىنىڭ كولەمىن ۇلعايتۋ ماسەلەلەرىندەگى ىنتىماقتاستىق پەرسپەكتيۆالارى تۋرالى بولدى.
– قازاقستاندا گاز تۇتىنۋ كولەمى جىلدان-جىلعا ءوسىپ وتىر. الايدا, گاز ءوندىرۋ قارقىنى بۇل وسىمگە سايكەس كەلمەيدى. «QazaqGaz» ۇلتتىق كومپانياسىنىڭ الدىنا مەملەكەت باسشىسى تاراپىنان قويىلعان نەگىزگى باسىم مىندەت – گازدىڭ رەسۋرستىق بازاسىن ۇلعايتۋ. سوندىقتان دا كەزدەسۋلەر بارىسىندا ورال ءوڭىرىنىڭ تۇتىنۋشىلارىنا جانە ىشكى نارىققا قاجەت تاۋارلىق گازدىڭ كولەمىن, گاز وڭدەۋ كولەمىن ارتىرۋ بويىنشا ارىپتەستىك ماسەلەلەرى تالقىلاندى, – دەيدى «QazaqGaz» ۇلتتىق كومپانياسىنىڭ باسشىسى.
ساپار بارىسىندا سانجار جاركەشوۆ «ينتەرگاز ورتالىق ازيا» اق-نىڭ «ورال» كومپرەسسورلىق ستانساسى (كس) مەن «ورال» 1-اۆتوماتتى گاز تاسىمالداۋ ستانساسىنا (1-اگتس) باردى. 11 گاز ايداۋ اگرەگاتى بار «ورال» كس جىلىنا 9 ملرد تەكشە مەتردەن استام تابيعي گازدى تاسىمالداۋدى جۇزەگە اسىرادى. قۋاتى 170 تەكشە مەتر/ساع اگتس-1 ورال قالاسى مەن وعان جاقىن ەلدى مەكەندەردىڭ تۇرعىندارى مەن كاسىپورىندارىن گازبەن تۇراقتى جابدىقتاۋدى قامتاماسىز ەتەدى. ۇلتتىق كومپانيا باسشىسى ءوندىرىس وبەكتىلەرىنە بارىپ, باتىس قازاقستان وبلىسىنىڭ ماگيسترالدىق گاز تاسىمالداۋ جۇيەسىنىڭ وبەكتىلەرى مەن جابدىقتارىن رەكونسترۋكتسيالاۋ جانە جاڭعىرتۋ جونىندەگى جۇمىس جوسپارىمەن تانىستى. وسى ءوڭىر اۋماعى ارقىلى وتەتىن «سويۋز», «ورىنبور – نوۆوپسكوۆ», «ورتا ازيا – ورتالىق» ماگيسترالدىق گاز قۇبىرلارى ارقىلى تابيعي گاز تاسىمالداۋدى «ورال» ماگيسترالدىق گاز قۇبىرلارى باسقارماسى جۇزەگە اسىرادى. ستانسا جۇمىسكەرلەرىمەن ءوندىرىس, ماتەريالدىق-تەحنيكالىق قامتاماسىز ەتۋ جانە الەۋمەتتىك-ەڭبەك قاتىناستارىنا بايلانىستى ماسەلەلەر تالقىلاندى.
سانجار جاركەشوۆ ورال گازتۋربينالىق ستانساسىنا (وگتەس) دا باردى. كاسىپورىن پايدالاناتىن گازدى «QazaqGaz» جىلىنا 170 ملن تەكشە مەتر كولەمىندە جەتكىزەدى. ستانسا وبلىسقا قاجەتتى ەلەكتر ەنەرگياسىنىڭ بەستەن ءبىر بولىگىن وندىرەدى جانە ورال قالاسىنىڭ جاڭا شاعىن تۇرعىن اۋداندارىن جىلۋمەن قامتاماسىز ەتەدى.
«QazaqGaz» باسشىسىنىڭ ساپارى «ينتەرگاز ورتالىق ازيا» اق-نىڭ «ينجەنەرلىك-تەحنيكالىق ورتالىعىنا» بارۋمەن اياقتالدى. بەيىندى ماماندار جۇمىس ىستەيتىن ورتالىق قازىرگى زامانعى جابدىقتارمەن جابدىقتالعان جانە گاز يندۋسترياسى ءۇشىن دياگنوستيكالىق قىزمەتتەردىڭ كەڭ سپەكترىن ورىنداي الادى.
