قر پرەمەر-ءمينيسترى ءاليحان سمايىلوۆ ازىق-ت ۇلىك باعاسىنىڭ قىمباتتاۋىنا قاتىستى وتكەن ارنايى جيىندا سولتۇستىك قازاقستان وبلىسىندا ءسۇت ءوندىرىسىن دامىتۋعا مەملەكەت تاراپىنان قىرۋار قارجى ءبولىنىپ, بىرنەشە زاۋىت سالىنعانىنا قاراماستان, باعانىڭ تۇراقسىز بولىپ تۇرعانىن سىنادى.
«سىزدەرگە سوڭعى ەكى جىلدا ءسۇت-تاۋارلى فەرمالاردى سالۋعا ءبىراز اقشا بولدىك. ءسىز بىزگە ءبىر جىلدا 10 فەرما اشتىق دەپ بايانداپ بەرىپ وتىرسىز. ال قازىر وڭىردە مايدىڭ, ايران مەن ىرىمشىكتىڭ باعاسى وسكەن. بۇعان نە سەبەپ؟» دەپ سۇرادى ۇكىمەت باسشىسى.
وبلىس اكىمىنىڭ ايتۋىنشا, وتكەن اپتادا ءسۇت ونىمدەرىنىڭ باعا يندەكسى – 101,9 بولعان.
«جىل باسىنان بەرى باعا يندەكسى - 110,7. رەسپۋبليكاداعى ورتاشا يندەكس – 112,4. ءبىزدىڭ يندەكسىمىز ەكىنشى ورىندا. وسىنداي تومەن يندەكستى جىل اياعىنا دەيىن ۇستاپ وتىرۋعا مۇمكىندىگىمىز بار. ونى ەسەپتەپ وتىرمىز. سوڭعى 2 جىل ىشىندە ءسۇت ونىمدەرى بويىنشا رەسپۋبليكاداعى تومەن باعالاردىڭ ءبىرىن ۇستاپ وتىرمىز. بىراق ەسەپتى اپتادا ايراننىڭ باعاسى – 14,3, سۇزبە – 9,5, سارى ماي 5,3 پايىز قىمباتتادى. سەبەبى, شەتەلدەن جەتكىزىلەتىن جابىن 76 پايىز, قاپتاما ماتەريالى 30 پايىز, جابدىقتىڭ قوسالقى بولشەكتەرى 50 پايىز قىمباتتادى. مۇنىڭ ءبارى – يمپورتتىق زات. بىراق بۇل ءوسىم جىل اياعىنا دەيىن بولمايدى. قازىر تومەندەتىپ جاتىرمىز», دەدى قۇمار اقساقالوۆ.
ايتا كەتەيىك, ءاليحان سمايىلوۆ اتالعان جيىندا ءوڭىر اكىمدەرىنىڭ ازىق-ت ۇلىك باعاسىن جەتكىلىكتى باقىلاي الماي وتىرعانىن سىنعا الدى.
