تايمەردەنوۆتىڭ ايتۋىنشا, قىلمىسكەرلەر ۇيالى تەلەفونىڭىزعا قوڭىراۋ شالىپ, ءوزىن پوليتسيا قىزمەتكەرى رەتىندە تانىستىرادى, سودان كەيىن وزدەرىنىڭ قازىرگى ۋاقىتتا قر ۇلتتىق بانكىمەن بىرلەسىپ جۇمىس جۇرگىزىپ جاتقاندارىن ايتىپ, ۇلتتىق بانك قىزمەتكەرىمەن بايلانىسقا كوشۋ ءۇشىن جەلىدە بولۋدى سۇرايدى.
ءارى قاراي, تەلەفوننىڭ ارعى جاعىنداعى داۋىس ءسىزدىڭ كارتاڭىز بويىنشا رۇقساتسىز اقشا اۋدارىمى ارەكەتتەرى ءجۇرىپ جاتقانىن جانە اقشاڭىزدى ۇنەمدەۋ ءۇشىن بەلگىلى ءبىر سومانى بانكتىك شوتىڭىزعا نەمەسە ءۇشىنشى تۇلعالاردىڭ شوتىنا سالۋ كەرەكتىگىن ايتادى.
«نازار اۋدارىڭىز! ساق بولىڭىز! ەسىڭىزدە بولسىن, بانك قىزمەتكەرلەرى ەشقاشان ءسىزدىڭ كارتاڭىزدىڭ دەرەكتەرىن سۇرامايدى, سونداي-اق ۇيالى تەلەفونىڭىزعا كەلەتىن كودتاردى بەرۋدى تالاپ ەتپەيدى», دەپ مالىمدەدى الماتى قالاسى پد باستىعى قانات تايمەردەنوۆ
مۇنداي جاعدايلاردا تەلەفونمەن سويلەسۋدى كىلت توقتاتىپ, بانك كارتاسىندا نەمەسە بانك سايتىندا كورسەتىلگەن سەنىمدى نومىرگە قوڭىراۋ شالۋىڭىز كەرەك.
ءوزىڭىزدىڭ بانكتىك كارتاڭىزدىڭ دەرەكتەرىن, سونداي-اق ءوزىڭىزدىڭ جەكە دەرەكتەرىڭىزدى ەشكىمگە جانە ەشقانداي جاعدايدا بەرمەڭىز.
