قوعام • 07 ءساۋىر، 2022

سەنات دەپۋتاتى ۇكىمەت پەن اكىمدىكتىڭ جۇمىسىن سىنادى

58 رەت كورسەتىلدى

سەنات دەپۋتاتى سەرگەي ەرشوۆ ۇكىمەت پەن اكىمدىكتەردىڭ جۇمىسىن سىنعا الدى، دەپ حابارلايدى Egemen.kz.

«قازاقستاندا كوكتەم مەزگىلى كەلگەن سايىن سۋ تاسقىندارى بولادى. جەرگىلىكتى شەنەۋنىكتەر سۋ تاسقىنى مەن سۋ باسۋدىڭ الدىن الۋ بويىنشا قابىلدانعان شارالار تۋرالى، سونداي-اق ەلدى مەكەندەردى قورعاۋ، وزەن ارنالارىن تازارتۋ، كوپىرلەر مەن گيدروتەحنيكالىق قۇرىلىستاردى قايتا جاڭارتۋ جونىندەگى جۇمىستار تۋرالى باياندايدى. الايدا، وكىنىشكە قاراي، جاعداي تۇبەگەيلى وزگەرمەيدى... بۇعان بقو، اقتوبە، اقمولا، سقو جانە قاراعاندى وبلىستارىنداعى جاعداي دالەل. سۋ تاسقىنىن جويۋ بويىنشا كۇندەلىكتى مالىمەتتەر كوڭىل كونشىتپەيدى، تۇتاس ەلدى مەكەندەردى سۋ باستى. ازاماتتار باسپاناسىنان، م ۇلىكتەرىنەن ايىرىلىپ جاتىر، سونىڭ سالدارىنان  مەملەكەت تە  ەكونوميكالىق شىعىندارعا ۇشىراپ وتىر»، دەدى سەنات دەپۋتاتى سەرگەي ەرشوۆ.

ونىڭ مالىمەتى بويىنشا، گيدروتەحنيكالىق قۇرىلىستاردىڭ جاعدايى ەرەكشە الاڭداۋشىلىق تۋعىزادى، ال كەيبىر جاعدايلاردا ولاردىڭ باسىم كوپشىلىگى وتكەن عاسىردىڭ 60-70 جىلدارى سالىنعان جانە قازىرگى ۋاقىتتا فيزيكالىق جانە مورالدىق جاعىنان 40% - عا دەيىن توزعان. سونىمەن قاتار، قازاقستانداعى گيدروتەحنيكالىق قۇرىلىستاردىڭ جارتىسىنا جۋىعى اپاتتى جاعدايدا جانە جوندەۋدى نەمەسە جاڭعىرتۋدى قاجەت ەتەدى.

ونى قر پارلامەنتى سەناتىنىڭ توراعاسى ماۋلەن اشىمباەۆ قولدادى.

«وتە وزەكتى ماسەلە. بۇگىن بىرقاتار ءوڭىر سۋ تاسقىنىنا تاپ بولدى. جىل سايىن بۇل ماسەلەنى دەپۋتاتتار مەن جۇرتشىلىق كوتەرەتىنىنە قاراماستان، جەرگىلىكتى اتقارۋشى ورگاندار، مينيسترلىكتەر بۇل جاعدايعا دايىن ەمەس سياقتى»، دەدى ماۋلەن اشىمباەۆ.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار