قر سىرتقى ىستەر مينيسترلىگى تاراتقان دەرەكتەرگە قاراعاندا, پولشا – قازاقستاننىڭ ەۋروپالىق وداق ەلدەرى اراسىنداعى سەگىزىنشى ەڭ ءىرى ساۋدا ارىپتەسى. 2021 جىلى ەكى ەل اراسىنداعى تاۋار اينالىمىنىڭ كولەمى 760,4 ملن اقش دوللارىن, ال 2005-2021 جىلدار ارالىعىندا پولشادان قازاقستان ەكونوميكاسىنا تارتىلعان تىكەلەي ينۆەستيتسيالاردىڭ كولەمى 272,6 ملن اقش دوللارىن قۇرادى.
مەملەكەتتەر اراسىندا ەنەرگەتيكا, «جاسىل تەحنولوگيالار», كولىك جانە لوگيستيكا, ەلەكتروندىق ساۋدا, قارجى تەحنولوگيالارى, تۋريزم, اگروونەركاسىپ كەشەنى سياقتى سالالاردا بىرلەسكەن پەرسپەكتيۆالىق جوبالاردى دامىتۋدىڭ دا ۇلكەن الەۋەتى بار.
«قوس ەل ءبىر-بىرىنەن مىڭداعان شاقىرىم الىس بولعانىنا قاراماستان, ولاردى ورتاق تاريحي تاعدىر بايلانىستىرادى. قازاقستان حالقىن قۇرايتىن 130 ەتنوستىڭ اراسىندا پولياك دياسپوراسى دا بار. قازاقستاندىق «پولونيا» بۇگىندە ەلدەرىمىز اراسىنداعى «جاندى كوپىر» بولىپ تابىلادى. پولياك دياسپوراسى ءۇشىن ەلىمىزدە انا ءتىلىن, تاريحىن, مادەنيەتىن, ءداستۇرىن وقىپ-ۇيرەنۋگە جانە تاريحي وتانىمەن رۋحاني جاقىنداسۋعا قاجەتتى بارلىق جاعداي جاسالعان. سونىمەن قاتار, «پولونيا» وكىلدەرى ەلىمىزدىڭ ساياسي جانە الەۋمەتتىك-ەكونوميكالىق ومىرىنە بەلسەندى قاتىسىپ كەلەدى», دەلىنگەن حابارلامادا.
كەزدەسۋ بارىسىندا ەكى مەملەكەت پەن حالىقتار اراسىندا ءوزارا ءتيىمدى ىقپالداستىق پەن دوستىقتىڭ الداعى ۋاقىتتا دا قارىشتى دامۋىنا ورتاق سەنىم ءبىلدىرىلدى.
