«سۋ تاسقىنى كەزەڭى باستالعاننان بەرى اقتوبە, باتىس قازاقستان, پاۆلودار, قاراعاندى وبلىستارىندا 185 تۇرعىن جانە 78 ساياجاي ءۇيدى, 2 الەۋمەتتىك نىساندى ەرىگەن قار سۋى باستى. بارلىق 185 تۇرعىن ۇيدەن, 2 الەۋمەتتىك نىساننان جانە اقتوبە وبلىسىنداعى 63 ساياجاي ۇيدەن سۋ سورىپ شىعارىلدى. قازىرگى ۋاقىتتا اقتوبە وبلىسىنداعى 15 ساياجاي ءۇي باقىلاۋدا تۇر», دەلىنگەن حابارلامادا.
باتىس قازاقستان, اقتوبە, پاۆلودار, قاراعاندى وبلىستارىندا بارلىعى 1 165 ادام ەۆاكۋاتسيالاندى, ونىڭ 676-ى ۋاقىتشا ەۆاكۋاتسيالاۋ پۋنكتتەرىندە, 480 - تۋىستارىنىڭ ۇيلەرىنە ورنالاستىرىلدى, 9-ى ۇيلەرىنە ورالدى.
«قازگيدرومەت» رمك دەرەكتەرى بويىنشا الداعى تاۋلىكتە اقمولا, اقتوبە, شقو, بقو, قاراعاندى, قوستاناي, پاۆلودار, سقو جانە نۇر-سۇلتان قالالارىندا جاڭبىر تۇرىندە ازداعان جاۋىن-شاشىن كۇتىلەدى, كۇندىزگى ۋاقىتتا اۋا تەمپەراتۋراسى +6 +20س-قا دەيىن, تۇنگى ۋاقىتتا 0-دەن +10س-قا دەيىن كوتەرىلەدى. وسىعان بايلانىستى وزەن باسسەيندەرىندە قارقىندى قار ەرۋى, ەرىگەن اعىن قالىپتاسۋى, مۇز قۇبىلىستارىنىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى مۇمكىن.
