«بۇگىندە تاجىريبەسى جانە تاڭداعان ماماندىعىنا سۇرانىستىڭ ازدىعىنان جاستاردىڭ جۇمىسقا ورنالاسۋ مۇمكىندىگى شەكتەلىپ وتىر. بۇل ماسەلەنى وزدەرىڭىز دە كوتەرىپ جۇرسىزدەر. بۇعان قوسا قازاقستاندا 129 ماماندىق جويىلىپ بارادى, 95-ءى ترانسفورماتسيالانۋدا, 239 جاڭا ماماندىق پايدا بولادى. وسىعان وراي, حالىقارالىق تاجىريبەگە سايكەس جۇمىسقا تۇرۋدىڭ ءتيىمدى جولى رەتىندە, پاۆلودار وبلىسىنىڭ 15 كوللەدجى بازاسىندا جاڭا كاسىپتەر اتلاسى ازىرلەنىپ, تاجىريبەدەن ءوتتى», دەدى ە. توعجانوۆ.
ونىڭ ايتۋىنشا, سونىڭ ناتيجەسىندە كادر قاجەتتىلىگىنە بايلانىستى 17 وڭىرلىك كارتا ازىرلەنىپ, قولدانىسقا ەنگىزىلەدى. سونداي-اق مەكتەپتەردە 7 سىنىپتان باستاپ ماماندىق تاڭداۋعا باۋليتىن «پەداگوگ-كاسىپتىك باعدار بەرۋشى» ساباعى ەنگىزىلەدى. بۇل جۇمىستارعا دەپۋتات ساياسات نۇربەك جەتەكشىلىك ەتەدى.
«سونىمەن قاتار كوللەدجدەر جانىنان ستۋدەنتتەرگە تاجىريبە جيناقتاۋعا مۇمكىندىك بەرەتىن 100 شاعىن كاسىپورىن قۇرىلماق. وسىنداي ءتاسىل ءساتتى ىسكە اسقان اقتوبە قالاسىنداعى ەكونوميكا, بيزنەس جانە قۇقىق كوللەدجىنىڭ 188 ستۋدەنتىنىڭ 144-ءى وقۋىن وقي ءجۇرىپ جۇمىسقا ورنالاستى. العاش رەت جوعارى وقۋ ورىندارىندا ستۋدەنتتەردىڭ ماماندىعى بويىنشا جۇمىسقا ورنالاسۋىنا جاردەمدەسەتىن 100-دەن اسا كارەرالىق ورتالىق قۇرىلادى», دەدى ۇكىمەت باسشىسىنىڭ ورىنباسارى.
