شقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, «102» جەدەل ارناسىنا قوڭىراۋ شالعان جىگىت قالانىڭ ساۋدا ۇيلەرىنىڭ بىرىنە بومبا قويىلعانىن حابارلاعان. دەرەۋ وقيعا ورنىنا ارنايى ماماندار جەتكەن. الايدا تەكسەرۋدەن كەيىن اقپاراتتىڭ جالعان ەكەندىگى انىقتالدى.
ء«تارتىپ ساقشىلارى كۇدىكتىنى جەدەل ۇستادى. ول وسكەمەن قالاسىنىڭ 21 جاستاعى تۇرعىنى بولىپ شىقتى. كۋالاندىرۋ ناتيجەسىنە سايكەس, ونىڭ ورتاشا دارەجەدەگى ماس كۇيدە ەكەندىگى بەلگىلى بولدى», دەلىنگەن اقپاراتتا.
اتالعان فاكتى بويىنشا قر قك-ءنىڭ 273-بابىنا سايكەس سوتقا دەيىنگى تەرگەۋ جۇرگىزىلىپ, ءىس سوتقا جولدانعان.
قالالىق سوتتىڭ ۇكىمىمەن ايىپتالۋشىنىڭ 3 جىلعا باس بوستاندىعى شەكتەلدى.
