زاڭسىز تاكسي قىزمەتىن كورسەتكەندەردى اكىمشىلىك جازاعا تارتۋ زاڭ جوباسى وتكەن جىلدىڭ تامىز ايىندا ۇسىنىلعان ەدى. الايدا, كەيىن تولىقتىرۋعا جىبەرىلدى. ەندى جاڭا نۇسقاسى «اشىق ۇكىمەت» پورتالىندا جاريالاندى. بۇل جولعى ۇسىنىستا اكىمشىلىك جازا قاتاڭداتىلعان.
«بۇل زاڭ جوباسى زاڭسىز جولاۋشى تاسىمالىمەن اينالىسقان ادام انىقتالعان جاعدايدا ونىڭ كولىگىن تاركىلەپ, ايىپ تۇراعىنا قويۋ ءۇشىن دايىندالعان.ياعني قۇقىق قورعاۋ ورگاندارى زاڭسىز تاكسي قىزمەتى ماسەلەسىن شەشكەنشە كولىك ايىپ تۇراعىندا تۇرادى», دەدى ادىلەت مينيسترلىگى زاڭناما دەپارتامەنتى اكىمشىلىك زاڭناما باسقارماسىنىڭ باسشىسى سالتانات سەرىكباەۆا.
جاڭا زاڭ جوباسىندا زاڭسىز جولاۋشى تاسىمالىمەن اينالىسقان جەكە تۇلعاعا 15 ايلىق ەسەپتىك كورسەتكىش, شەنەۋنىكتەرگە 25, ال زاڭدى تۇلعالارعا 25-تەن 150 ايلىق ەسەپتىك كورسەتكىش كولەمىندە ايىپپۇل قاراستىرىلعان.
