قازاقستاندىق بانكتەردىڭ قارىز الۋشىلارى نەسيەلەرىن ءجيى كەشىكتىرىپ تولەيتىن بولدى. مەرزىمى وتكەن نەسيەلەردىڭ جالپى كولەمى سوڭعى 3 ايدا وسكەن. 2022 جىلعى 1 ناۋرىزداعى جاعداي بويىنشا ولاردىڭ جالپى كولەمى 1 ترلن 369,8 ملرد تەڭگەنى قۇرادى. بۇل 2021 جىلدىڭ كوكتەمىنەن بەرگى ەڭ جوعارى كورسەتكىش.
«بىراق بانكتەردىڭ نەسيەلىك پورتفەلى دە جىلدام وسۋدە. 2022 جىلعى 1 ناۋرىزداعى جاعداي بويىنشا كورسەتكىش 6,75%. 2021 جىلدىڭ قازان ايىنىڭ باسىندا ءدال وسىنداي دەڭگەيدە بولدى», – دەپ حابارلادى بيۋرو.
90 جانە ودان دا كوپ كۇن كەشىكتىرىلگەن نەسيەلەردىڭ كولەمى ارتىپ كەلەدى. ول جىل باسىنان بەرى ۇلعايىپ, ناۋرىز ايىنىڭ باسىندا 706,4 ملرد تەڭگەنى قۇرادى.
جالپى ءوسىپ كەلە جاتقان نەسيە پورتفەلىنىڭ اياسىندا بۇل كورسەتكىش تومەن بولىپ كورىنەدى: NPL 90+ ۇلەسى 3,48%-دى قۇرايدى.
