كونكۋرستى وتكىزۋ مەرزىمى: 10 جۇمىس كۇنى.
قوعامدىق كەڭەستىڭ ساندىق قۇرامى: 30 ادام.
زاڭنىڭ 10-بابىنىڭ 1-تارماعىنا سايكەس قازاقستان رەسپۋبليكاسىنىڭ ون سەگىز جاسقا تولعان ازاماتى قوعامدىق كەڭەس مۇشەلىگىنە كانديدات بولا الادى.
قوعامدىق كەڭەس مۇشەلىگىنە كانديدات:
- قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وتەلمەگەن نەمەسە جويىلماعان سوتتىلىعى بولماۋى كەرەك;
- زاڭدا بەلگىلەنگەن تارتىپپەن سىبايلاس جەمقورلىق قىلمىس جانە (نەمەسە) سىبايلاس جەمقورلىق قۇقىق بۇزۋشىلىق جاساۋدا سوت كىنالى دەپ تانىماعان بولۋى كەرەك.
- پسيحيكالىق, مىنەز-ق ۇلىقتىق, ونىڭ ىشىندە پسيحيكاعا بەلسەندى اسەر ەتەتىن زاتتاردى تۇتىنۋعا بايلانىستى بۇزىلۋشىلىقتاردىڭ (اۋرۋلاردىڭ) سەبەبى بويىنشا پسيحيكالىق دەنساۋلىق سالاسىندا مەديتسينالىق كومەك كورسەتەتىن ۇيىمداردا ەسەپتە تۇرماۋى كەرەك.
كونكۋرسقا قاتىسۋعا نيەت بىلدىرگەن ازاماتتار, كوممەرتسيالىق ەمەس ۇيىمداردىڭ وكىلدەرى حابارلاندىرۋ ورنالاستىرىلعان كۇننەن باستاپ ون جۇمىس كۇنى ىشىندە كەلەسى قۇجاتتاردى تاپسىرادى:
1) كانديداتۋرانى قوعامدىق كەڭەستىڭ قۇرامىنا ۇسىنۋ تۋرالى كوممەرتسيالىق ەمەس ۇيىمنىڭ جازباشا ۇسىنىسى جانە (نەمەسە) ازاماتتىڭ ءوتىنىشى;
2) ءومىربايان دەرەكتەرى كورسەتىلە وتىرىپ, كانديداتتىڭ كاسىپتىك جانە (نەمەسە) قوعامدىق قىزمەتى تۋرالى مالىمەتتەر;
3) سوتتالماعان بولۋى تۋرالى انىقتاما;
4) پسيحيكالىق, مىنەز-ق ۇلىقتىق, ونىڭ ىشىندە پسيحيكاعا بەلسەندى اسەر ەتەتىن زاتتاردى تۇتىنۋعا بايلانىستى بۇزىلۋشىلىقتاردىڭ (اۋرۋلاردىڭ) بولۋى نە بولماۋى تۋرالى انىقتاما ۇسىنىلادى.
قوعامدىق كەڭەس مۇشەلىگىنە كانديدات وسى تارماقتىڭ ءبىرىنشى بولىگىنىڭ 3-ءشى جانە 4-ءشى تارماقشالارىندا كوزدەلگەن انىقتامالاردى ءوز بەتىنشە نەمەسە ءوزىنىڭ قاتىسۋىمەن قوعامدىق كەڭەس قۇرىلاتىن مەملەكەتتىك ورگاننىڭ نەمەسە كۆازيمەملەكەتتىك سەكتور سۋبەكتىسىنىڭ اقپاراتتىق جۇيەلەرىنەن تالاپ ەتىپ الدىرۋىنا بولادى.
قۇجاتتار 2022 جىلعى 15 ساۋىرگە دەيىن نۇر-سۇلتان قالاسى, ەسىل اۋدانى, ماڭگىلىك ەل داڭعىلى, 8-عيمارات مەكەنجايى بويىنشا قولما-قول قابىلدانادى. تەلەفون ءنومىرى: 74-03-56, 74-18-37 نەمەسە ەلەكتروندىق ilyas.issabekov@qogam.gov.kz مەكەنجايىنا جولداۋعا بولادى.
