ىشكى ىستەر ءمينيسترىنىڭ ورىنباسارى قايرات سۇنتاەۆ پەن قر باس پروكۋرورىنىڭ ورىنباسارى ەرلىك كەنەنباەۆ بايانداما جاسادى.
كوميسسيا جۇمىسىنا قازاقستان رەسپۋبليكاسى بيلىگىنىڭ زاڭ شىعارۋشى, اتقارۋشى جانە سوت تارماقتارى ورگاندارىنىڭ وكىلدەرى, حالىقارالىق جانە ۇكىمەتتىك ەمەس ۇيىمداردىڭ, ادۆوكاتۋرانىڭ, ءبىلىم, عىلىم جانە مادەنيەت ۇيىمدارىنىڭ قىزمەتكەرەرى, جۇرتشىلىق پەن باق وكىلدەرى قاتىستى.
كوميسسيا وتىرىسىندا قازاقستان رەسپۋبليكاسىنىڭ كونستيتۋتسياسى جانە زاڭدارىمەن, بۇۇ-نىڭ ازاماتتىق جانە ساياسي قۇقىقتار تۋرالى, ازاپتاۋلارعا قارسى كونۆەنتسيامەن جانە قازاقستان رەسپۋبليكاسى راتيفيكاتسيالاعان باسقا دا حالىقارالىق شارتتارمەن كەپىلدىك بەرىلگەن قۇقىق قورعاۋ ورگاندارىنىڭ قىزمەتى بارىسىندا ازاماتتار مەن وزگە دە تۇلعالاردىڭ قۇقىقتارىن ساقتاۋ جانە قامتاماسىز ەتۋدىڭ وزەكتى ماسەلەلەرى تالقىلاندى.
وتىرىس بارىسىندا مەملەكەتتىك قىزمەتشىلەر, قۇقىق قورعاۋ ورگاندارى مەن قۇقىق قورعاۋ ۇەۇ قىزمەتكەرلەرى, قالىڭ جۇرتشىلىق ءۇشىن «قازاقستاندا ادام قۇقىقتارىن قورعاۋدىڭ ۇلتتىق جانە حالىقارالىق تەتىكتەرى» تاقىرىبىندا وقىتۋ سەمينار-ترەنينگتەرىن وتكىزۋدىڭ وزەكتى ماسەلەلەرى تالقىلاندى.
كوميسسيانىڭ وتىرىسىندا ازىرلەنگەن ونىڭ ۇسىنىمدارى مەملەكەت باسشىسىنىڭ, پارلامەنتتىڭ جانە قازاقستان رەسپۋبليكاسى ۇكىمەتىنىڭ نازارىنا جەتكىزىلەتىن بولادى.
