وتا اورتا دوعاسىن قايتا جاڭارتۋدىڭ ەكىنشى كەزەڭىن جۇرگىزۋ ءۇشىن جاسالدى, تۇزەتۋدىڭ ءبىرىنشى كەزەڭى بەنتال دە بونو وپەراتسياسى شامامەن ەكى اي بۇرىن جاسالدى.
ء«بىز اورتا دوعاسىندا اورتا دوعاسىن پروتەزدەۋ جانە اورتا دوعاسىنىڭ بارلىق بۇتاقتارىن اورتانىڭ كوتەرىلگەن بولىگىنىڭ پروتەزىنە قوسۋ ارقىلى قايتا جاڭارتۋ وتاسىن جاسادىق. اورتا دوعاسىنداعى وتا كەزىندە ستاندارتتى جاساندى قان اينالىمىنان باسقا, ميدى قورعاۋدى قامتاماسىز ەتۋ قاجەت. ءوز كەزەگىندە جۇرەك-قانتامىر حيرۋرگياسىندا ميدى قورعاۋ ءوز الدىنا بولەك كوپ كومپونەنتتى پروبلەما بولىپ سانالادى. بۇل جاعداي وتانىڭ ءوزىن ەداۋىر قيىنداتادى, نەۆرولوگيالىق جانە باسقا دا اسقىنۋلاردىڭ پايدا بولۋ قاۋپىن ارتتىرادى. وتا قان جوعالتپاي, اسقىنۋسىز, ءساتتى ءوتتى. ناۋقاس ەكىنشى كۇنى رەانيماتسيادان بولىمشەگە اۋىستىرىلدى», دەدى جۇرەك-قانتامىر حيرۋرگياسى بولىمشەسىنىڭ مەڭگەرۋشىسى الەكسەي سمولەنسكي.
ايتا كەتەيىك, ەگەر پاتسيەنت ءمامس جۇيەسىندە ساقتاندىرىلماعان بولسا, بۇل وتا 2,5 ملن تەڭگەنى قۇرايدى.
قازىرگى ۋاقىتتا پاتسيەنت يۋ.ك. ءوزىن جاقسى سەزىنەدى جانە دارىگەرلەرگە العىس ايتتى: ء«مامس جۇيەسى ارقىلى وسىنداي جوعارى تەحنولوگيالىق قىزمەتتەر ماعان تەگىن كورسەتىلدى. وتا وتە كۇردەلى بولدى, وتە جاقسى جۇرگىزىلدى. قازىر ءوز قالپىما جىلدام كەلۋدەمىن, №2 كوپبەيىندى قالالىق اۋرۋحانا دارىگەرلەرىنە قامقورلىقتارى مەن كاسىبي بىلىكتىلىكتەرى ءۇشىن العىس ايتقىم كەلەدى».
دارىگەرلەر تاۋەكەل ەتكەن ەرەكشە وتا ءساتتى ءوتىپ, ناۋقاس جاعدايىنىڭ دۇرىستالا باستاعانىنا قۋانىشتى.
