قازاقستان • 31 ناۋرىز، 2022

ۇلتتىق ۋنيۆەرسيتەتتەگى ناۋرىز مەيرامى

68 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتى ناۋرىز مەيرامىن ءسان-سالتاناتپەن اتاپ ءوتتى، دەپ حابارلايدى Egemen.kz

قازۇۋ قالاشىعىنداعى كوكتەم مەرەكەسى ءال-فارابي كىتاپحاناسى الاڭىندا شىرشا وتىرعىزۋدان باستالدى. ۋنيۆەرسيەت  رەكتورى جانسەيىت تۇيمەباەۆ شەتەلدىك وقىتۋشى-پروفەسسورلارمەن جانە فاكۋلتەت دەكاندارىمەن بىرلەسىپ قالاشىق اۋماعىنا 100-گە جۋىق شىرشا وتىرعىزدى.

،

ۇلىستىڭ ۇلى مەرەكەسىنە ارنايى شاقىرىلعان مەيماندار ۋنيۆەرسيتەت اۋماعىندا قۇرىلعان 20 كيىز ءۇيدى ارالاپ، ناۋرىز داستارحانىنان ءدام تاتتى. اعا بۋىن وكىلدەرى جاستارعا باتالارىن بەرىپ، شەجىرەدەن ءبىراز سىر شەرتتى.

مەرەكەلىك شارا كونتسەرتتىك باعدارلامامەن جالعاستى. قازۇۋ-داعى ناۋرىز مەيرامىنا كەلگەن قوناقتاردىڭ قاتارىندا الماتى قالاسىنىڭ اكىمى ەربولات دوساەۆ، ۇعا پرەزيدەنتى مۇرات جۇرىنوۆ، وزگە دە بەلگىلى عالىمدار، جوو رەكتورلارى، بەلگىلى عالىمدار، قالامگەرلەر مەن باق وكىلدەرى بولدى. 

،

ءال-فارابي اتىنداعى قازۇۋ-دىڭ باسقارما توراعاسى-رەكتورى جانسەيىت تۇيمەباەۆ جينالعانداردى ناۋرىز مەرەكەسىمەن قۇتتىقتاپ، ىستىق لەبىزىن ءبىلدىردى. ءوز سوزىندە ءبىلىم ورداسىنىڭ باسشىسى ناۋرىز ىنتىمىق پەن بىرلىكتىڭ مەرەكەسى ەكەنىن جەتكىزدى.

« ۇلىستىڭ ۇلى كۇنى – ناۋرىز مەرەكەسى قۇتتى بولسىن! بۇل كۇنى جەر-انا قايتا تۇلەپ، دۇنيە ەرەكشە كۇيگە ەنەدى. حالقىمىزدىڭ ۇعىمىندا ءاز-ناۋرىز جاڭارۋ مەن جاڭعىرۋدىڭ، ءۇمىت پەن سەنىمنىڭ سيمۆولى. كوكتەمگى مەرەكەدە دوستىق پەن تاتۋلىق، قازاقى قوناقجايلىق دارىپتەلەدى. ۇرپاقتار ساباقتاستىعى سالتانات قۇرادى. ۇلكەنگە قۇرمەت، كىشىگە ىزەت كورسەتىلەدى. بەرەكەسى ۇيىعان ەگەمەن ەلىمىزدىڭ بولاشاعى جارقىن بولسىن»، دەدى ۋنيۆەرسيتەت رەكتورى.

ۋنيۆەرسيتەتتىڭ ءباسپاسوز قىزمەتىنىڭ مالىمەتىنشە، مەرەكەلىك كونتسەرت ارنايى دايىندالعان تەاترلاندىرىلعان قويىلىممەن جالعاستى. كوپشىلىك نازارىنا تۇساۋكەسەر، قىز ۇزاتۋ، بەتاشار سىندى قازاقتىڭ سالت-داستۇرلەرى كورسەتىلدى. سونداي-اق، قازاق ەستراداسىنىڭ جۇلدىزدارى مەن ۋنيۆەرسيتەتتىڭ ونەرلى جاستارى ءان ايتىپ، بي بيلەپ، كورەرمەندەرگە كوتەرىڭكى كوڭىل-كۇي سىيلادى.

،

سونىمەن قاتار، ناۋرىز مەيرامى اياسىندا قازاقتىڭ ۇلتتىق سپورت تۇرلەرىنەن جارىستار وتكىزىلىپ،  زەرگەرلىك بۇيىمدا مەن كىتاپ كورمەسى ۇيىمداستىرىلدى.

قازۇۋ-داعى ناۋرىز مەيرامىنا قاتىسقان مەملەكەت جانە قوعام قايراتكەرى اماندىق باتالوۆ «قازۇۋ قالاشىعىنداعى ناۋرىز مەيرامىنا ءبىرىنشى رەت قاتىسۋىم. ەرەكشە كوڭىل-كۇيدەمىن. بارلىعى جوعارى دەڭگەيدە ءوتىپ جاتىر. قازۇۋ جالىندى جانە ءبىلىمدى جاستاردىڭ ورداسى. ناۋرىز ءار شاڭىراققا شاتتىق پەن قۋانىش اكەلسىن! ەلىمىزدىڭ ىرگەسى بەرىك بولسىن»، دەپ اقجارما تىلەگىن ءبىلدىردى.

ايتا كەتەيىك، ءال-فارابي اتىنداعى قازۇۋ-دا ۇلىستىڭ ۇلى كۇنىن تويلاۋ 14  ناۋرىز – «كورىسۋ كۇنىنەن» باستاۋ العان بولاتىن. اپتالىق اياسىندا «جايلاۋ كۇنى»، «شەجىرە كۇنى»، «تاريحقا تاعزىم كۇنى»، «يگى ىستەر كۇنى»، «شىمىرلىق پەن شەبەرلىك كۇنى»، «زياتكەرلىك كۇنى»، «ۇلتتىق تاعامدار كۇنى»، « ۇلىستىڭ ۇلى كۇنى»، «جورالعى كۇنى» وتكىزىلدى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار