قازاقستان قۇرىلىسشىلارى قاۋىمداستىعىنىڭ توراعاسى اتاپ وتكەندەي, قۇرىلىس قۇنى 10%-عا كوتەرىلگەن.
«قۇرىلىس ماتەريالدارى ورتا ەسەپپەن 10-25%-عا قىمباتتادى. سونىمەن قاتار ەگەر ءبىز قۇرىلىس ماتەريالدارىنىڭ قيىرشىق تاس, ارماتۋرا جانە باسقاسى سياقتى جەكەلەگەن پوزيتسيالارىن الساق, وندا ولار 100%-دان استام قىمباتتادى دەۋگە بولادى. ارماتۋرانىڭ باعاسى نورماعا, ياعني, تونناسىنا 250 مىڭ تەڭگە قۇنىنا كەلەدى دەپ ۇمىتتەنەمىز. بىراق ازىرگە بۇل بولجام», دەدى ۆيكتور ميكريۋكوۆ.
سونداي-اق ول قۇرىلىس ماتەريالدارى قاشان ارزانداۋى مۇمكىن ەكەنىن ايتتى.
«2021 جىلى ارماتۋرا قۇنى 323 مىڭ تەڭگە بولسا, قازىر 507 مىڭ تەڭگە. جىلدىڭ سوڭىنا قاراي ءبىز تەك قۇننىڭ تومەندەۋىن كۇتەمىز. بەتون بويىنشا تۇراقتى ءوسۋ ءۇردىسى بايقالادى. گازوبلوك بويىنشا باعا جىلدىڭ سوڭىنا قاراي تىركەلەدى. بىراق ماتەريالداردىڭ بارلىق باعاسى ءتۇسىپ, شارشى مەتردىڭ وزىندىك قۇنى ارزاندايدى دەپ كۇتۋدىڭ قاجەتى جوق», دەپ سانايدى ۆيكتور ميكريۋكوۆ.
