ايماقتار • 31 ناۋرىز، 2022

نۇر-سۇلتان مەن قاراعاندىدا دا «بومبا» قويىلعانى تۋرالى اقپارات شىقتى

33 رەت كورسەتىلدى

نۇر-سۇلتان مەن قاراعاندىداعى نىساندارعا «بومبا قويىلعانى» تۋرالى جالعان اقپارات شىقتى. بۇل تۋرالى پوليتسيا حابارلادى، دەپ حابارلايدى Egemen.kz

 

«نۇر-سۇلتان اۋەجايى، My car جانە Lexus اۆتوسالوندارى، سونداي-اق «حان-شاتىر» جانە Mega Silk Way ساۋدا ورتالىقتارىنىڭ ەلەكترون مەكەنجايىنا بەلگىسىز بىرەۋلەر جارىلعىش قۇرىلعىلار قويىلعانى تۋرالى قوقان-لوقى جازىلعان حات جولداعان. بۇل تۋرالى «102» ارناسىنا قوڭىراۋلار ءتۇستى»، دەلىنگەن ەلوردالىق پوليتسيا دەپارتامەنتىنىڭ حابارلاماسىندا.

قازىر بۇل نىسانداردى قالانىڭ توتەنشە جاعدايلار قىزمەتى تەكسەرىپ جاتىر. ادامداردى ەۆاكۋاتسيالاۋ جۇرگىزىلگەن.

بۇل رەتتە قاراعاندىدا ساعات 9.00-دە «102» تەلەفونىنا مۇقانوۆ كوشەسىندەگى حالىققا قىزمەت كورسەتۋ ورتالىعىنىڭ عيماراتىنا جارىلعىش زات قويىلعانى تۋرالى انونيم حابارلاما كەلىپ تۇسكەن.

«قاراعاندى وبلىسى پد جەدەل كەزەكشىسى بارلىق شۇعىل قىزمەتتەردى جىبەردى. حقكو عيماراتىنان 31 ادام ەۆاكۋاتسيالاندى. ونى تەكسەرۋ كەزىندە جارىلعىش زات تابىلعان جوق»، دەدى قاراعاندىلىق قۇقىق قورعاۋ ورگاندارى وكىلدەرى.

 

 

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار