بۇل تۋرالى قالالىق پوليتسيا باسقارماسى مالىمدەدى. پوليتسيا دەپارتامەنتىنىڭ رەسمي وكىلى سالتانات ازىربەكتىڭ تاراتقان دەرەكتەرگە سەنسەك, ماماندار نىسانداردا تەكسەرۋ جۇمىستارىن جۇرگىزۋ ءۇشىن جۇمىلدىرىلعان.
«تاڭەرتەڭ جەتى نىساندا جارىلعىش قۇرىلعىلار ورناتىلعانى تۋرالى اقپارات تارادى. نىسانداردىڭ ۇشەۋىندە تەكسەرۋ جۇمىستارى جۇرگىزىلدى. ناتيجەسىندە اقپارات جالعان بولىپ شىقتى. ماماندار باسقا نىسانداردى دا تەكسەرۋدە. تەكسەرۋ ارنايى قۇرالدى قولدانۋ ارقىلى جۇزەگە اسىرىلۋدا. الگوريتمگە سايكەس نىساندارعا كەلۋشىلەر مەن قىزمەتكەرلەر ەۆاكۋاتسيالانادى. ازاماتتاردان قاۋىپسىزدىك شارالارىنا تۇسىنىستىكپەن قاراۋلارىڭىزدى سۇرايمىز», دەدى سالتانات ازىربەك.
