كەلەسى كۇنى توتەنشە جاعداي جونىندەگى كوميسسيانىڭ شۇعىل وتىرىسى ءوتتى. بەلگىلى بولعانداي, داۋىلدان كەلتىرىلگەن شىعىن مەن ءومىر ءسۇرۋ قىزمەتىنىڭ جۇيەسىن قالپىنا كەلتىرۋ بويىنشا جەدەل شتاب قۇرىلعان. وبلىستىق توتەنشە جاعدايلار دەپارتامەنتىنىڭ باسشىسى جاسۇلان جۇماشەۆتىڭ ايتۋىنشا, تابيعاتتىڭ توسىن مىنەزى سالدارىنان 14 ءبىلىم بەرۋ جانە 1 دەنساۋلىق ساقتاۋ نىسانىنىڭ شاتىرى ج ۇلىنعان. اسىرەسە ەكىباستۇز قالاسىنىڭ اۋىلدىق ايماقتارىنداعى الەۋمەتتىك عيماراتتار كوپ جاپا شەككەن. ءتورتۇي اۋىلىندا ورنالاسقان ەكىقاباتتى ەكىباستۇز ورتا مەكتەبىندە شاتىردىڭ 40 شارشى مەترى, سولنەچنىي كەنتىندە ۇشقاباتتى, ەكى بلوكتان تۇراتىن №28 ورتا مەكتەپ توبەسىنىڭ شامامەن 300 شارشى مەترى, قوياندى اۋىلدىق وكرۋگى بەسقاۋعا اۋىلىندا №25 ورتا مەكتەپ شاتىرىنىڭ شامامەن 37 شارشى مەترى, ەكىباستۇز قالاسىنداعى №7 مەكتەپ-گيمنازياسى شاتىرىنىڭ 350 شارشى مەتر اۋماعى ج ۇلىنىپتى. ال باياناۋىل اۋدانى ۇزىنبۇلاق اۋىلىنداعى قوس قاباتتى ە.بەكماحانوۆ اتىنداعى ورتا مەكتەپتىڭ 80 شارشى مەتردى قۇرايتىن شاتىرى ۇشىپ كەتكەن. سونداي-اق شيفەردىڭ قۇلاۋى سالدارىنان ەكى پلاستيكالىق تەرەزە سىنعان. اقتوعاي اۋدانىندا «الاۋ» حوككەي كورتى شاتىرىنىڭ 1 600 شارشى مەتر اۋماعى قيراعان. ەكپىندى جەل اقتوعاي اۋداندىق اۋرۋحاناسى عيماراتىنىڭ 600 شارشى مەتردى قۇرايتىن شاتىرىن دا ۇشىرىپ اكەتكەن. باستىسى – ادام شىعىنى جوق.
اۋا رايىنىڭ ناشارلاۋىنا بايلانىستى ءوڭىر اۋماعىندا اۆتوجولداردىڭ 19 ۋچاسكەسى جابىلدى. ونىڭ جەتەۋى – رەسپۋبليكالىق ماڭىزى بار جولدار. اۆتوجولداردىڭ جابىق ۋچاسكەلەرىندە 14 جىلىتۋ پۋنكتى ىسكە قوسىلعان. وعان 40 ادام ورنالاستىرىلعان. ونىڭ 11-ءى – بالالار. كولىكتەرگە ارنالعان بەكەتتەرگە 110 تەحنيكا كىرگىزىلىپتى. اۆتوجولداردى قاردان تازالاۋعا 23 تەحنيكا جۇمىلدىرىلعان.
قاتتى جەلدىڭ سالدارىنان اقتوعاي, باياناۋىل, ۋسپەن, ەرتىس اۋداندارى مەن اقسۋ قالاسىنىڭ اۋىلدىق ايماقتارىنداعى بىرقاتار ەلدى مەكەندە ەلەكتر ەنەرگياسىنىڭ اپاتتىق ءوشۋى ورىن العان. سونداي-اق وبلىس ورتالىعىنداعى بىرنەشە شاعىناۋداندارداعى ۇيلەر مەن №19 بالاباقشا جارىقسىز قالىپتى. توتەنشە جاعداي جونىندەگى كوميسسيانىڭ شۇعىل وتىرىسىندا وبلىس اكىمى ابىلقايىر سقاقوۆ قالالار مەن اۋدانداردىڭ باسشىلارىنا جەدەل ارەكەت ەتۋ الگوريتمىن قۇرىپ, شىعىننىڭ كولەمىن انىقتاۋدى تاپسىردى. شىعىندى قالپىنا كەلتىرۋ بويىنشا رەزەرۆتەن اقشالاي قاراجات ءبولۋ تۋرالى دا ايتتى.
پاۆلودار وبلىسى
