قوعام • 31 ناۋرىز، 2022

12 مىڭنان استام ادامعا تەگىن زاڭ كەڭەسى بەرىلگەن

43 رەت كورسەتىلدى

ادىلەت ءمينيسترى قانات مۋسين الماتى قالاسىنىڭ تۇرعىندارىمەن كەزدەسۋ وتكىزىپ، پرەزيدەنتتىڭ جولداۋى اياسىندا جاريالاعان رەفورمالار تۋرالى پىكىرلەستى.

«شىن مانىندە، بۇل جاڭا قازاقستاندى قۇرۋ كەزەڭىنىڭ باستاماسى. وسى ورايدا رەفورما مازمۇنىنىڭ اۋقىمدىلىعىنا تسيفرلار دالەل بولا الادى. ءبىر عانا كونستيتۋتسيانىڭ وزىنە 30-دان استام باپقا، سونىمەن قاتار 7 كونستيتۋتسيالىق زاڭ مەن 15-تەن استام زاڭعا وزگەرىستەر ەنگىزۋ جوسپارلانىپ وتىر. پرەزيدەنتتىڭ وكىلەتتىلىگىن شەكتەۋ، سايلاۋ ءۇردىسىن جاڭ­عىرتۋ، ساياسي پارتيالاردى تىركەۋ ءتارتى­بىن جەڭىلدەتۋ، سوت جانە قۇقىق قورعاۋ جۇيەسىن جەتىلدىرۋ، ازاماتتاردىڭ نەگىزگى قۇقىق­تارىن قورعاۋ، ازاماتتىق قوعام ينستي­تۋتتارى مەن بۇقارالىق اقپارات قۇرال­دارىنىڭ ءرولىن كۇشەيتۋ سياقتى ماڭىز­دى مىندەتتەر ۋاقىتتىڭ ەنشىسىندە. ال قو­عامدىق ديالوگتىڭ ءبىرتۇتاس ۇلگىسىن قالىپ­تاستىرۋ ءۇشىن بيلىك پەن حالىق اراسىنداعى ءوزارا ءىس-قيمىلدى كۇشەيتەتىن «ۇلتتىق قۇ­رىلتاي» قۇرىلادى. بۇل رەتتە جۇمىس ىستەپ تۇرعان بارلىق قوعامدىق كەڭەستىڭ قىزمەتى جۇيەلەنىپ، ولاردىڭ مۇشەلەرى ۇلتتىق قۇرىل­تاي­دىڭ قۇرامىنا ەنەتىن بولادى. بۇل شارالار ازاماتتىق قوعام ينستي­تۋت­تارىنىڭ ءرولىن كۇشەيتۋگە باعىت­تالىپ وتىر»، دەدى قانات مۋسين.

ءمينيستردىڭ ايتۋىنشا، ادىلەت مينيستر­لىگى جولداۋدى ىسكە اسىرۋ ءۇشىن نور­ماتيۆتىك-قۇقىقتىق تاراپتان قامتاماسىز ەتەتىن بولادى.

كەزدەسۋ بارىسىندا مينيستر قالا تۇرعىندارىن، قوعام بەلسەندىلەرىن مازا­لاعان ساۋالدارعا جاۋاپ بەردى. ونىڭ ىشىندە ساياسي پارتيالاردى، مەنشىك يەلەرىنىڭ بىرلەستىگىن، تاۋارلىق بەلگىنى تىركەۋ، حالىق­تىڭ قۇقىقتىق ساۋاتتىلىعىن كوتەرۋ، جەكە ازاماتتاردى بانكروت دەپ تانۋعا باعىت­تالعان زاڭ جوباسى، نوتاريۋستار كورسە­تەتىن قىزمەتتىڭ ساپاسى، سونىمەن قاتار زاڭ ماماندىقتارى بويىنشا كاسىبي كادر­لاردى دايارلاۋ باعىتىندا سۇراقتارعا جاۋاپ بەردى. سونداي-اق ازاماتتاردى جە­كە قابىلداعان مينيستر جۇرتتى جەكە سوت ورىنداۋشىلارىنىڭ تولەم قىزمەتىن وزگەر­تۋ، اتقارۋشىلىق قىزمەتتىڭ رەفورماسى، جەكە م ۇلىك يەلەرى بىرلەستىگىن تىركەۋ ماسە­لەلەرى مازالايتىنىن جەتكىزدى.

جيىندا مينيستر ادىلەت ورگاندارىنىڭ جۇمىسىنا دا توقتالىپ ءوتتى. ۆەدومستۆو باسشى­سىنىڭ ايتۋىنشا، سوت اكتىلەرىن ورىنداۋ ادىلەت ورگاندارى قىزمەتىنىڭ ماڭىزدى باعىتتارىنىڭ ءبىرى. «جىل سايىن 1 ميلليونداي قۇجات وڭدەۋدەن وتەدى. الماتى قالاسى بويىنشا بۇگىندە 24 مەملەكەتتىك جانە 319 جەكە سوت ورىنداۋشىسى بار. وتكەن جىلى كەپىلدەندىرىلگەن زاڭ كومەگىن كورسەتۋگە كوزدەلگەن 6 ملن تەڭگەدەن استام قاراجات تولىعىمەن يگەرىلگەن. ال ازاماتتارعا زاڭگەرلىك قىزمەت كورسەتۋ سالاسىندا وڭىرلىك زاڭگەرلىك بىرلەستىكتەر دە اۋقىمدى جۇمىستار اتقارۋدا. قالا بو­يىنشا 12 مىڭنان استام ازاماتقا تەگىن زاڭ كومەگى كورسەتىلگەن.

 

الماتى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار