اتالعان جارىستى قازاقستان قۇراماسى ءۇش جۇلدەمەن قورىتىندىلادى. وسىعان دەيىن اناستاسيا گورودكو جەكەلەگەن سايىستا جانە فەدور بۋگاكوۆپەن بىرگە ارالاس جۇپتار جارىسىندا كۇمىس مەدالدى ەنشىلەگەن ەدى. بىرىنشىلىكتىڭ سوڭعى كۇنى پاراللەلدى موگۋلدان وتكەن باسەكەدە ءدال وسى 16 جاستاعى قىزىمىز التىننان القا تاعىپ, الىستاعى اپەننين تۇبەگىندە قازاق ەلىنىڭ ءانۇرانىن شىرقاتتى.
قازىرگى كەزدە بارشا مامان اناستاسيانىڭ الەۋەتىن جوعارى باعالاپ, كەلەشەكتە ونىڭ زور تابىستارعا قول جەتكىزەتىنىنە ەرەكشە سەنىم بىلدىرۋدە. وعان ءبىزدىڭ دە كۇمانىمىز جوق. بىلتىر گورودكو الماتىدا وتكەن الەم بىرىنشىلىگىندە كۇمىس مەدال الىپ, بيىل بەيجىڭدەگى وليمپيا ويىندارىنا قاتىستى.
