مەن زەينەتكە شىققالى 20 جىل بولدى. الاتىن اي سايىنعى زەينەتاقىم 70 مىڭ تەڭگە. بۇل نەگە جەتەدى؟ ءبىر بولىگى پاتەراقىعا كەتەدى. قالعانى ءىشىپ-جەمگە, كيىم-كەشەك پەن باسقا دا اسا مۇقتاجدىقتارعا جۇمسالادى. سوندا مەنىڭ قولىمدا كوك تيىن اقشا قالمايدى.
مەن – شىعارماشىلىق ادامىمىن. ءتۇرلى تاقىرىپقا ارناپ پوەزيالىق تۋىندىلار جازامىن. جازعاندارىمدى مەرزىمدى ءباسپاسوز جاريالاپ تۇرادى. بىراق سول گازەت بەتىنە شىققان ماقالالارعا كوك تيىن المايمىز. ءبىز قالىڭ بۇقاراعا ارناپ جازعان ەڭبەگىمىز ءۇشىن قالاماقى العان ەمەسپىز. زەينەاقىمىز ماردىمسىز بولعاندىقتان, قالىڭ قارىزدىڭ قورشاۋىندا قالدىق. كىتاپ شىعادى, وعان دا تۇك المايمىز. دەمالىس ورىندارىنا بارۋ (ساناتوري, كۋرورت) جايىنا قالدى. وسى جوقتىقپەن ءومىرىمىز ءوتىپ بارادى...
وسىعان بايلانىستى ءبىزدىڭ ءوتىنىشىمىزدى ەسكەرىپ, مەملەكەتتىڭ زەينەت جاسىنان اسقان اقىن, جازۋشىلارعا كومەك كورسەتۋلەرىن وتىنەمىز.
ءبۇبىشحان تىكەباەۆا,
قازاقستان جازۋشىلار وداعىنىڭ مۇشەسى, اقىن
