ءىس-شاراعا ماڭعىستاۋ وبلىسىنىڭ اكىمى نۇرلان نوعاەۆ, قر مادەنيەت جانە سپورت ۆيتسە-ءمينيسترى ەرجان ەركىنباەۆ, تۇركيا, گەرمانيا, كۋۆەيت, ءباا, وزبەكستان, رەسەي, قىرعىزستان, گرۋزيا جانە قازاقستاننىڭ ءىرى جانە حالىقارالىق تۋروپەراتورلارى قاتىستى. كەڭەستە سونداي-اق, ماڭعىستاۋ وبلىسىنىڭ ءتۋريزمىن دامىتۋ ماسەلەسى تالقىلانىپ, جاڭا رەيستەردى اشۋ ماسەلەلەرى پىسىقتالدى. ءىس - شارانىڭ ماقساتى-قازاقستاندا ءتۋريزمدى دامىتۋ جانە حالىقارالىق تۋريستىك كومپانيالاردىڭ ءوزارا ىنتىماقتاستىققا قىزىعۋشىلىعىن ارتتىرۋ.
كەزدەسۋدە ماڭعىستاۋ وبلىسىنىڭ, اقتاۋ قالاسىنىڭ تۋريستىك الەۋەتى جانە Tetysblu Aktau جوباسى تانىستىرىلدى. جوباعا سايكەس, دەمالىس ايماعىنىڭ اۋماعىندا تۇرعىندارعا قولجەتىمدى تاقىرىپتىق ويىن-ساۋىق پاركى, وتباسىلىق دەمالىس ءۇشىن سۋ, جەر ءۇستى جانە اۋە اتتراكتسيوندارى سالىندى. دەمالىس ايماعىندا سۋبۇرقاق, مەيرامحانا, ازىق-ت ۇلىك دۇكەندەرى بار. نىساندى كورۋگە كۇنىنە 4,5 مىڭعا جۋىق ادام بارادى دەپ جوسپارلانۋدا.
ورتالىقتىڭ جانىندا گولف-كلۋب جانە 300 ءنومىرلى گولف-قوناق ءۇي سالىندى.
