ونەر • 29 ناۋرىز، 2022

الاقانداي الاشا

77 رەت كورسەتىلدى

قولونەر شەبەرحانالارى مەن مۋزەيلەردەن عانا كەزدەستىرىپ جۇرگەن ساندىك قولدانبالى ونەر تۋىندىلارىنا سوڭعى جىلدارى سۇرانىس ارتىپ كەلەدى. ەتنووندىرىس قۇنى قىمبات بولعانىمەن، تابيعي ونىمدەر شەبەرلەر قولىنان جاڭا تىنىس الىپ، زاماناۋي قوعام قاجەتىنە جاراپ-اق تۇر.

ءا.قاستەەۆ اتىنداعى قولدانبالى ونەر ءبولىمىنىڭ اعا عىلىمي قىزمەتكەرى، قازاقستان سۋرەتشىلەر وداعىنىڭ مۇشەسى ناتاليا باجەنوۆا قازاقتىڭ قولدانبالى جانە ءداستۇرلى توقىما ونەرىنىڭ زەرتتەلۋ بارىسىنا توقتالىپ، ەلىمىزدىڭ وڭىرلەرىنەن جىلدار بويى جيناقتالعان 500-گە جۋىق ونەر توپتاماسىن تانىستىردى.

بۇگىندە تۇتىنۋشىسىن تامسانتقىسى كەلەتىن كاسىپكەرلەر قولونەر بۇيىمدارىن سارايلار مەن مەيرامحانالاردىڭ سانىنە اينالدىرسا، ءسان الەمى بۇل باعىتتا ەرەكشە ۇلگىلەرگە نازار اۋدارۋدا. ال مۋزەي مۇراعاتىنداعى مىنا جادىگەرلەردىڭ سىرى تەرەڭدە جاتىر. تۇسكيىز، سىرماق، تەكەمەت پەن كىلەمدەردىڭ جۇزدەن استام تۇرلەرى، سونداي-اق اياققاپ، اتجابۋ، كەر­مەقاپ، كەسەقاپ، جايناماز سياقتى كۇندەلىكتى قول­دا­نىستا سيرەك كەزدەسەتىن ساندىك-قولدانبالى ونەر بۇ­يىم­دارىنىڭ عىلىمي دەرەكتەرى كونە عاسىرلارعا ءتان.

بىرنەشە ونەردىڭ كيىز، ماتا بەتىندە قابىسۋى، ارينە تاڭدانىس تۋدىرماي قويمايدى. تۇركى حالىق­تارىنىڭ كۇندەلىكتى تۇرمىسىنىڭ ءسانى مەن سالتاناتىنا اينالعان بۇيىمداردىڭ زاماناۋي كورمە كەڭىستىگىندە ينكليۋزيۆتى جوبالار اياسىندا كورىنىس تابۋى قوعام قاجەتتىلىگىنەن تۋىنداپ وتىر.

كوزىمەن كورە الماعانمەن، ءتۇرلى ءتۇستى الەمنىڭ اسەمدىگىن ساۋساق ۇشىمەن عانا سەزىنە الاتىن زاعيپ جاندارعا ارنالعان الاقانداي تەكەمەتتىڭ بىرنەشە ءتۇرىن قولدانبالى ونەر ءبولىمىنىڭ ماماندارى توقىعان. زاعيپ جاندار ءۇشىن ارنايى ۇيىمداستىرىلعان توپتامانى تورسىق، قوبىز، شيگە سالىنعان ورنەك كىلەم سياقتى ويۋمەن كومكەرىلگەن بۇيىمدار تولىقتىرىپ تۇر.

ناتاليا باجەنوۆا اتاپ وتكەندەي، كەلۋشىلەردى ۇلتتىق بۇيىمداردىڭ جاسالۋ، توقىلۋ ادىستەرى، وندىرىستە قولدانىلعان ونىمدەر مەن وڭدەۋ بارىسى قىزىقتىرادى. اسىرەسە، مۋزەي ەكسپوناتتارىنىڭ مەكتەپ وقۋشىلارى ءۇشىن بەرەر ماعلۇماتى مول.

پ

 

الماتى

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار