بۇعان دەيىن رەسەي دەلەگاتسياسىنىڭ باسشىسى, پرەزيدەنت كومەكشىسى ۆلاديمير مەدينسكي رەسەي مەن ۋكراينا دەلەگاتسيالارىنىڭ كەزەكتى كەلىسسوزى 29-30 ناۋرىزدا وتكىزۋ تۋرالى شەشىم قابىلداعانىن حابارلاپ ەدى.
سونداي-اق ەردوعان جەكسەنبى كۇنى پۋتينمەن تەلەفون ارقىلى سويلەسكەن كەزدە انكارا رەسەي مەن ۋكراينا اراسىندا بەيبىتشىلىكتىڭ ورناۋىنا ىقپال ەتۋدى جالعاستىراتىنىن اتاپ وتكەن.
«پرەزيدەنت ەردوعان رەسەي مەن ۋكراينا اراسىندا قىسقا ۋاقىتتا ءبىتىم مەن بەيبىتشىلىك ورناتۋ, سونداي-اق وڭىردەگى گۋمانيتارلىق جاعدايدى جاقسارتۋ قاجەتتىگىن, تۇركيا بۇل جاعدايعا ءوز ۇلەسىن قوسۋدى جالعاستىراتىنىن ايتتى», دەپ حابارلادى تۇركيا پرەزيدەنتىنىڭ كەڭسەسىنەن.
