قازاقستان • 28 ناۋرىز، 2022

قوڭىر ايۋدى قورعايىق

61 رەت كورسەتىلدى

زوولوگيا ينستيتۋتى عالىمدارىنىڭ دەرەكتەرى بويىنشا، ىلە الاتاۋى ۇلتتىق پاركىنىڭ اۋماعىندا مەملەكەت قورعاۋىنا الىنعان تيان-شان قوڭىر ايۋى مەكەندەيدى.

ىلە الاتاۋى ۇلتتىق پاركى، زوولوگيا ينستيتۋتى جانە ايۋ­ساي ۆيزيت-ورتالىعىنىڭ ۇيىم­داستىرۋىمەن وتكەن «تيان-شان قوڭىر ايۋى» اپتالىعى اياسىندا قازاقستاننىڭ قىزىل كىتابىنا ەنگەن جىرتقىشتى قورعاۋدىڭ ماڭىزى مەن ونىڭ تىرشىلىك ەتۋ اۋماعى جوعارى وقۋ ورىندارى ستۋدەنتتەرى، مەكتەپ وقۋشىلارى مەن بۇقارالىق كوممۋنيكاتسيا وكىلدەرىنە تانىستىرىلدى. بۇ­گىندە بۇل اۋماقتا 70-كە جۋىق اق تىرناقتى جىرتقىش تىرشىلىك ەتەدى.

فوتوتۇزاقتارداعى كادر­لار، قوڭىر ايۋدىڭ ءىزى تۇسكەن اۋماقتى بارلاۋ، ەلىمىزدىڭ جەتەكشى تەريو­لوگتەرىمەن تاۋ تاعىسى جايىندا پىكىرلەسۋ قاتىسۋشىلار ءۇشىن قىزىقتى اقپاراتتارعا تولى بولدى. زوولوگيا ينستيتۋتى تە­ريولوگيا زەرتحاناسىنىڭ عىلى­مي قىزمەتكەرى، حالىقارالىق ايۋلار جونىندەگى ماماندار اسسو­تسياتسياسىنىڭ مۇشەسى، ەكولوگيا ماگيسترى سانجار قاڭتارباەۆ قوڭىر ايۋ مەكەندەيتىن ىلە الا­تاۋى­نىڭ ەرەكشەلىكتەرى تۋرالى ايتىپ بەردى.

س.قاڭتارباەۆتىڭ ايتۋىنشا، ايۋساي شاتقالىندا 2010 جىلدان بەرگى ارالىقتا كوكتەمنەن كۇزگە دەيىن ءار ماۋسىمدا وسى جىرتقىشتاردىڭ ىزدەرى مەن وزگە دە بەلگىلەرىن بايقاۋعا بولادى. بۇگىندە ەلىمىزدە ايۋدىڭ ەكى ءتۇرى مەكەندەيدى. ءبىرى – ءسىبىر قوڭىر ايۋى بولسا، ەكىنشىسى تيان-شان قوڭىر ايۋى. قازاقستان مەن شەكارالاس ايماقتاردا اق تىرناقتى ايۋ حح عاسىردىڭ باسىندا كوبەيگەنىمەن، 70-جىلدارى سانى كۇرت تومەندەپ كەتكەن. سوڭعى جىلدارى زوولوگ ماماندار جانە مەملەكەتتىك ينسپەكتورلار كۇش-جىگەرىنىڭ ناتيجەسىندە ىلە الاتاۋىنىڭ بوكتەرىندە مەكەندەيتىن قوڭىر ايۋ كوبەيىپ، سوڭعى بەس جىلداعى كورسەتكىشتەر مامانداردى قۋانتىپ كەلەدى. شاتقالدىڭ ايۋساي اتالۋىنىڭ دا سەبەبى وسىندا بولسا كەرەك.

دەگەنمەن، قالا ماڭىنا ۇيىر­سەك جىرتقىشتان قاۋىپ بار. تاۋ بوكتەرىنە قالالىقتار ءجيى سەرۋەن­گە شىعاتىندىقتان، ايۋدىڭ ادامعا توسىننان تاپ بەرۋى مۇمكىن ەكەنىن دە جوققا شىعارمايدى مامان­دار. سوندىقتان ايۋساي ۆيزيت-ورتالىعىنىڭ قىزمەت­كەر­لەرى زوولوگيا ينستيتۋتى ما­مان­دارىنىڭ ۇسىنىسى بويىنشا شاتقالداعى دەمالۋشىلارعا ءتۇسىندىرۋ جۇمىستارىن جۇرگىزىپ، ءۇشىنشى سارقىرامادان جوعارى كوتەرىلمەۋىن قاتاڭ ەسكەرتەدى. مامان­دار اتاپ وتكەندەي، جانۋار­لاردىڭ تىرشىلىگىنەن حاباردار بولۋ – قورشاعان ورتاعا دەگەن جاناشىرلىقتى، تاۋ ەكوجۇيەسىن قورعاۋ مەن ەكولوگيالىق مادەنيەت­تى دامىتۋعا باعىتتالعان ىزگى قادام.

 

الماتى

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار