قازاقستان • 28 ناۋرىز، 2022

قوجاكە ۇلىنىڭ ادەبي مۇراسى

66 رەت كورسەتىلدى

ءال-فارابي اتىنداعى قازۇۋ جۋرناليستيكا فاكۋلتەتىندە قوجاكەەۆ وقۋلارى اياسىندا «تەمىربەك قوجاكەەۆتىڭ ساتيرالىق جانە ادەبي مۇراسى: تانىم مەن تالعام تابيعاتى» تاقىرىبىندا عىلىمي-ادىستەمەلىك كونفەرەنتسيا ءوتتى.

جيىنعا قاتىسۋشىلار قازاق سا­تيراسىنىڭ دامۋىنا زور ۇلەس قوسقان عالىمنىڭ ءومىرى مەن شىعارماشىلىعىنا قاتىستى ەستەلىكتەرىمەن ءبولىستى. «قوجا­كەەۆتىڭ قۇندى قازىناسى» بايانداماسىندا قازاقستان جازۋشىلار وداعى ساتيرا كەڭەسىنىڭ توراعاسى ەرماحان شاي­حى «تەمىربەك قوجاكە ۇلى – قازاق ساتيراسىن ەگجەي-تەگجەيلى زەرتتەپ، ساتيرالىق جانرلار جۇيەسىن جەتە زەر­دەلەگەن ءھام تەوريالىق جاعىنان نەگىز­دەگەن عالىم. بۇعان دەيىن قازاق ادە-بيەتتانۋ عىلىمىندا ساتيرا مەن يۋموردى تەرەڭ زەرتتەپ، تالداعان عالىم بول­عان جوق. عالىمنىڭ قالامىنان تۋعان عىلىمي ەڭبەكتەردى جيناقتاسا، قازاق ساتيراسىنىڭ ەنتسيكلوپەدياسى سەكىلدى تولىمدى دۇنيە ءارى بولاشاق وقىرماندار مەن جاس زەرتتەۋشىلەر ءۇشىن اسا قۇندى عىلىمي ەڭبەك بولار ەدى»، دەپ اتاپ ءوتتى. ە.شايحى جانە دە ستۋدەنتتىك جىلداردى ەسكە الا وتىرىپ، ۇستازدىڭ عيبراتتى عۇمىرى، قازاق ءباسپاسوزىنىڭ دامۋىنا قوسقان ۇلەسى، شاكىرتتەرىنە دەگەن تالاپ­شىلدىعى حاقىندا وي تولعادى.

ءال-فارابي اتىنداعى قازۇۋ جۋرناليستيكا فاكۋلتەتىنىڭ دەكانى سان­سىزباي ماديەۆ  ەسىمى جۋرناليستيكا فاكۋلتەتىمەن قاتار اتالاتىن تەمىربەك قوجاكەەۆ مۇراسىنىڭ بۇگىنى عانا ەمەس، كەلەر ۇرپاق ءۇشىن دە قۇندى ەكەنىن ەسكە سالسا، ۇستازىن «تەمىردەي ءتارتىپتىڭ ادامى بولاتىن» دەپ اتاپ وتكەن جازۋشىلار وداعى باسقارماسى توراعاسىنىڭ ورىنباسارى، فيلولوگيا عىلىمدارىنىڭ دوكتورى، پروفەسسور باۋىرجان جاقىپ شاكىرت ءارى ارىپتەس بولعان جىلدارداعى ەستەلىكتەرىمەن ءبولىستى.

وسى جيىندا سونداي-اق ساتيريك ت.الىم­بەك ۇلى، ا.ياساۋي اتىنداعى قتۋ پرو­فەسسورى ب.سەردالى، حاتۋ مە­­ديا­­كوم­مۋنيكاتسيا جانە قازاقستان تاريحى كافەدراسىنىڭ پروفەسسورى ا.بەيسەنقۇلوۆ، ساتيريك، جامبىل راديوسىنىڭ جەتەكشىسى ب.سوۆەت ۇلى، حالىقارالىق «الاش» سىيلىعىنىڭ لاۋ­رەاتى ن.قالقا، «شالقار» راديوسىنىڭ ديرەكتورى ب.تولەپبەرگەن، ءال-فارابي اتىناعى قازۇۋ دوتسەنتتەرى گ.وزبەكوۆا، ر.جاقسىلىقباەۆا، ل.ن.گۋميلەۆ اتىن­­داعى ەۇۋ كافەدرا مەڭگەرۋشىسى گ.اشىربەكوۆا، ءال-فارابي اتىنداعى قازۇۋ ءباسپاسوز جانە ەلەكروندى باق كافەدراسىنىڭ مەڭگەرۋشىسى گ.سۇلتان­باەۆا، تاعى باسقا دا عالىمدار ۇستاز مۇراسىنا قاتىستى بايانداما جاساپ، ويلارىن ورتاعا سالدى. 

جامبىل وبلىسى مەركى اۋدانى ت.قوجاكەەۆ اتىنداعى №39 جالپى ورتا مەكتەپ گيمنازياسىنىڭ «قوجا­كەەۆ­تانۋشىلار» كلۋبىنىڭ مۇشەلەرى دە وسى جيىنعا قاتىستى. ال پۋبليتسيستيكا، عىلىمي جۇمىس جانە مۋلتيمەديالىق جوبالار اتالىمى بويىنشا قوجاكەەۆ وتباسى تاعايىنداعان شاكىرتاقىعا 9 ستۋ­­دەنتتىك جۇمىس لايىقتى دەپ تابىلدى.

وسى ءىس-شاراعا وراي ءال-فارابي كىتاپحاناسىندا اقپاراتتىق-قۇجاتتىق كورمە ۇيىمداستىرىلىپ، وقىرماندارعا كىتاپحانا قورىنان عالىمنىڭ ءومىرى مەن شىعارماشىلىعى تۋرالى ماتەريالدار تانىستىرىلدى. «قايتالانباس نار تۇلعا»، «تەمىربەك قوجاكەەۆ – ۇستاز، عالىم، قايراتكەر» تاقىرىبىندا جالعاسقان يگى شارالار عالىمنىڭ قازاق ادەبيەتى مەن جۋرناليستيكاسىنا، سونداي-اق ۇلتتىق ساتيرانىڭ دامۋىنا ارناعان ەڭبەكتەرىنىڭ ۋاقىت تالابىمەن ۇندەسكەندىگىن ايشىقتاي ءتۇستى.

 

الماتى

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار