«بۇگىنگى كۇنى كاسپي تەڭىزىنىڭ كۇرت تايازدانۋىنان سۋ الۋ كانالىنداعى سۋ دەڭگەيى تومەندەدى, كەي جەرلەردە ءتىپتى قۇرلىق ارالدارى پايدا بولدى. ارناداعى تەڭىز سۋىنىڭ قاجەتتى دەڭگەيىن ۇستاپ تۇرۋ جانە جەو-1 مەن «كاسپي تۇشىتۋ زاۋىتى» جشس تەحنولوگيالىق پروتسەسىنىڭ توقتاۋىن بولدىرماۋ ءۇشىن «ماەك-قازاتومونەركاسىپ» جشس جەو-1 سۋ تارتۋ ارناسىنىڭ ءتۇبىن تەرەڭدەتۋ جۇمىستارىن جۇرگىزەدى. سۋ ءتۇبىن تەرەڭدەتۋ جۇمىستارى جەر سناريادىنىڭ كومەگىمەن مەحانيكالىق جولمەن جۇرگىزىلەدى, ال كانالدان ايدالاتىن سۋ قانداي دا ءبىر بوگدە قوسپالارسىز تەڭىز سۋى», دەپ جازىلعان كومپانيانىڭ ءباسپاسوز قىزمەتى تاراتقان حابارلامادا.
ماڭعىستاۋ اتوم ەنەرگەتيكالىق كومبيناتى جۇرگىزىلەتىن جۇمىستار كاسپي تەڭىزىنىڭ ەكولوگيالىق قاۋىپسىزدىگىنە اسەر ەتپەيتىنىن جانە حالىقتى الاڭداتۋعا سەبەپ جوق ەكەنىنە سەندىردى.
